Падбур’е

Падбу́р’е^[2] — вёска ў Камянецкім раёне Берасьцейскай вобласьці, уваходзіць у Вярховіцкі сельсавет.

Падбур’е
трансьліт. Padburje
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Насельніцтва:	84 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225077[1]
СААТА:	1240826031
Нумарны знак:	1
Геаграфічныя каардынаты:	52°30′42″ пн. ш. 23°32′51″ у. д.
Падбур’е на мапе Беларусі ± Падбур’е Падбур’е

Месьціцца за 30 км на паўночны захад ад Камянцу, за 64 км на поўнач ад Берасьця, за 20 км на паўночны ўсход ад чыгуначнай станцыі Высока-Літоўск (лінія Берасьце — Беласток). Празь вёску праходзіць мясцовая аўтадарога Н-367 (Доўбізна — Падбур’е — Юўсічы).

Гісторыя

• сярэдзіна XIX ст.: вёска ў складзе фальварку Апака маёнтку Капылы Берасьцейскага павету Гарадзенскай губэрні Расейскай імпэрыі.
• 1845: паводле інвэнтару ўладаньне абшарніцы Караліны Пуслоўскай, у вёсцы 28 двароў.
• 1857: паводле 10-й рэвізіі 72 рэвіскія душы, дзяржаўная ўласнасьць.
• канец XIX ст.: вёска ў Вярховіцкай воласьці, у складзе Падбурскай сельскай грамады.
• 1897: паводле перапісу ў вёсцы 71 двор, 481 жыхар, дзейнічалі хлебазапасная крама і піцейны дом.
• 1905: 490 жыхароў.
• 1920: у польска-савецкую вайну вёска была спаленая.
• 1921: па Рыскай мірнай дамове ў складзе Польшчы, вёска ў Вярховіцкай гміне Берасьцейскага павету Палескага ваяводзтва.
• 1923: 32 двары, 170 жыхароў.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: у Амелянецкім сельсавеце Кляшчэльскага раёну Берасьцейскай вобласьці, 485 жыхароў.
• 1941—1945: цягам 2-ой сусьветнай вайны на франтах загінулі і зьніклі бязь вестак 17 жыхароў вёскі. У 1942 годзе нямецкія войскі расстралялі 11 вяскоўцаў.
• 1945: у Высокаўскім раёне.
• 1948: у пачатковай школе 57 вучняў.
• 1950: у вёсцы арганізаваны калгас «Бальшавіцкі сьцяг», у гэты час у вёсцы 92 двары, 353 жыхары.
• 1951: у складзе калгасу «Праўда».
• 1960: 398 жыхароў.
• 1962: у Камянецкім раёне.
• 1968: у Каленкавіцкім сельсавеце.

23 чэрвеня 2011 году вёска перададзеная зь ліквідаванага Каленкавіцкага ў склад Вярховіцкага сельсавету^[3].

Насельніцтва

• XX стагодзьдзе: 1970 год — 323 жыхары; 1999 год — 136 жыхароў
• XXI стагодзьдзе: 2005 год — 56 двароў, 93 жыхары; 2010 год — 84 жыхары

Інфраструктура

У складзе ААТ «Каленкавічы».