Малая Апака

Мала́я Апа́ка^[2] — вёска ў Камянецкім раёне Берасьцейскай вобласьці, уваходзіць у Вярховіцкі сельсавет, у складзе СВК «Агра-Ніва».

Малая Апака лац. Małaja Apaka
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Насельніцтва:	1 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225075[1]
Нумарны знак:	1
Геаграфічныя каардынаты:	52°30′43″ пн. ш. 23°25′49″ у. д.
Малая Апака на мапе Беларусі ± Малая Апака Малая Апака

Месьціцца за 33 км на паўночны захад ад Камянцу, за 58 км на поўнач ад Берасьця, за 15 км на поўнач ад чыгуначнай станцыі Высока-Літоўск (лінія Берасьце — Беласток). За 500 м на паўночны захад ад вёскі праходзіць дзяржаўная мяжа Беларусі з Польшчай. Мясцовай аўтадарогай Н-422 злучана зь вёскай Альвус.

Гісторыя

• Сярэдзіна XIX ст.: вёскі Вялікая і Малая Апака ў Берасьцейскім павеце Гарадзенскай губэрні Расейскай імпэрыі.
• 1845: паводле інвэнтара вёска Вялікая Апака, 4 двары, 33 жыхары, у складзе фальварка Апака маёнтку Капылы, уладаньне абшарніцы Караліны Пуслоўскай.
• 1857: паводле 10-й рэвізіі 92 рэвіскія душы, вёска маёнтку Доўбізна, уласнасьць абшарніка Вікенція Сьняжко.
• 1890: фальварак Апака належаў Ігнату Пуслоўскаму; вёска Вялікая Апака адносілася да Сіпурскай сельскай грамады, вёска Малая Апака — да Апацкай сельскай грамады.
• 1897: паводле перапісу ў Вярховіцкай воласьці тых жа павету і губэрні, у вёсцы Вялікая Апака (Мартынюкі) — 8 двароў, 67 жыхароў, у вёсцы Малая Апака — 25 двароў, 168 жыхароў, дзейнічалі кузьня, хлебазапасная крама, у аднайменным маёнтку (уласнасьць сельскага таварыства) — 17 двароў, 116 жыхароў.
• 1921: у выніку Польска-савецкай вайны па Рыскай мірнай дамове ў складзе Польшчы, вёска ў Вярховіцкай гміне Берасьцейскага павету Палескага ваяводзтва.
• 1923: у вёсцы Вялікая Апака 18 двароў, 93 жыхары, у вёсцы Малая Апака 10 двароў, 53 жыхары.
• 1939: у выніку Пакту Молатава — Рыбэнтропа ў складзе Берасьцейскай вобласьці БССР.
• 1940: вёскі Вялікая Апака (на той час 275 жыхароў) і Малая Апака (177 жыхароў) ў Бушміцкім сельсавеце Кляшчэльскага раёну Берасьцейскай вобласьці.
• 1941—1945: цягам 2-ой сусьветнай вайны на франтах загінулі 5 жыхароў вёскі.
• 1945: у Высокаўскім раёне.
• 1962: у Камянецкім раёне.
• 1964: вёскі Вялікая і Малая Апака зьліліся ў адну.
• 1968: у Вярховіцкім сельсавеце.
• 1970: 38 жыхароў, у калгасе імя Дзяржынскага.

Насельніцтва

• 2010 год — 1 жыхар
• 2005 год — 3 гаспадаркі, 3 жыхары^[3]
• 1999 год — 4 жыхары