Рудзіла

Рудзіла, Рудзела (Рудзель, Родзель, Рудаль), Руціла — мужчынскае імя і вытворнае ад яго прозьвішча.

Rudila
Паходжаньне
Мова(-ы)	германскія
Утворанае ад	Ruodo + суфікс з элемэнтам -л- (-l-)
Іншыя формы
Варыянт(ы)	Рудзела, Рудзель, Родзель, Рудаль, Руціла
Зьвязаныя артыкулы
якія пачынаюцца з «Рудзіла»

Паходжаньне

Асноўны артыкул: Імёны ліцьвінаў

Родзіла, Рудзіла, Рудзела, Рудала або Руціла (Hrodilo, Rodilo^[1], Rudila, Rudela, Ruadalo, Rutila) — імя германскага паходжаньня^[2]. Іменная аснова -грод- (-род-, -руд-) (імёны ліцьвінаў Рудалт, Родмант, Эйруд; германскія імёны Rudolt, Rodemund, Eirodus) паходзіць ад гоцкага hroþ 'слава, перамога'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Rudel (Rudil)^[4].

У Прусіі бытавала імя Родэль: Rodele (1364 год)^[5].

Варыянты імя ў гістарычных крыніцах: земли пустовских в Жолудскои волости… Роделевщину (22 сьнежня 1515 году)^[6]; в Диснах земли пустовскии… Руделевщину (27 красавіка 1516 году)^[7]; Якуб Роделевич (24 жніўня 1524 году)^[8]; Michałko Rudzielewicz (1561 год)^[9]; Алексей Руделевичъ (13 жніўня 1591 году)^[10]; Maciei Rudieliowicz s synem Stasiem… Grzyg Rudeliewicz (11 кастрычніка 1597 году)^[11]; Iozeph Rudyło chorazy Mozyrski, ręka swą (30 верасьня 1614 году)^[12]; Maciey Rutela (1624 год)^[13]; Stanisław Rudelewicz… Matuk Rudelewicz (1641 год)^[14]; od xdza Rudelewicza (1675—1677 гады)^[15]; od P. Adama Rodila (1690 год)^[16]; Józef Rodelewicz (30 жніўня 1734 году)^[17]; Rodziłowicz (1768 год)^[18]; Agata Rudelowa (13 лістапада 1764 году)^[19]; Jerzy Rodellewicz (21 жніўня 1780 году)^[20]; Jan Rodelewicz (6 лютага 1786 году)^[21].

Носьбіты

• Аляксей Рудзелевіч — жыхар маёнтку Чашыцаў (Гарадзенскі павет), які ўпамінаецца ў 1591 годзе^[22]
• Юзэф Рудыла — мазырскі харужы, які ўпамінаецца ў 1614 годзе

Рудалевічы (Rudolewicz, Rudalewicz) — літоўскі шляхецкі род з Троцкага павету^[23].

Радзіловічы (Radziłowicz) — літоўскі шляхецкі род з Троцкага павету^[24].

Рудэлевічы (Rudelewicz) гербу Алемані — літоўскі шляхецкі род^[25].

Руціла (Rucilo) і Рудзяловіч (Rudzielowicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[26].

На 1904 год існавалі вёска і сядзіба Рудлава (Рудлова) у Ельнянскім павеце Смаленскай губэрні^[27].

На гістарычнай Ашмяншчыне існуюць вёскі Рудалі і Рудзелішкі.