Славечна (Гомельская вобласьць)

Славе́чна^[1] — вёска ў Беларусі, на рацэ Жалоні. Уваходзіць у склад Дабрынскага сельсавету Ельскага раёну Гомельскай вобласьці. Насельніцтва 103 чал. (2004). Знаходзіцца за 20 км на поўдзень ад Ельску, за 199 км ад Гомелю; чыгуначная станцыя на лініі Каленкавічы — Оўруч. Палявая дарога злучае вёску з аўтамабільнай дарогай Новая Рудня — Ельск.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Славечна (неадназначнасьць).

Славечна
Першыя згадкі:	XVI стагодзьдзе
Краіна:	Беларусь
Вобласьць:	Гомельская
Раён:	Ельскі
Сельсавет:	Дабрынскі
Насельніцтва:	103 чал. (2004)
Часавы пас:	UTC+3
Тэлефонны код:	+375 2354
Нумарны знак:	3
Геаграфічныя каардынаты:	51°38′0″ пн. ш. 29°4′0″ у. д.
Славечна на мапе Беларусі ± Славечна Славечна

Гісторыя

Бітва пад Славечнай. Габэлен XVIII ст.

Упершыню Славечна (Славечня) упамінаецца ў XVI ст. у зьвязку з утварэньнем Мазырскага павету згодна з адміністрацыйна-тэрытарыяльнай рэформай 1565—1566 гадоў.

У выніку другога падзелу Рэчы Паспалітай (1793) Славечна апынулася ў складзе Расейскай імпэрыі, у Мазырскім павеце Менскай губэрні. У 1915 тут пачала дзейнічаць чыгуначная станцыя. На 1925 год у вёсцы было 16 двароў.

На 2004 год у Славечне было 54 гаспадаркі.

Насельніцтва

• XX стагодзьдзе: 1959 — 674 чал. у вёсцы Славечне, 16 чал. на чыгуначнай станцыі Славечне (паводле перапісу); 1999 — 151 чал.
• XXI стагодзьдзе: 2004 год — 103 чал.^[2]