Судзіла

Судзіла (Шудзіла, Судзель, Содэль), Суціла (Сутыла, Шуціла) — мужчынскае імя і вытворнае ад яго прозьвішча.

Sudila
Паходжаньне
Мова(-ы)	германскія
Утворанае ад	Sudo + суфікс з элемэнтам -л- (-l-)
Іншыя формы
Варыянт(ы)	Судзель, Шудзіла, Судзель, Суціла, Сутыла, Шуціла, Сутула, Содэль
Зьвязаныя артыкулы
якія пачынаюцца з «Судзіла»

Паходжаньне

Асноўны артыкул: Імёны ліцьвінаў

Судзіла, Судзела або Судула (Sudila, Sudela^[1], Sudula^[2]) — імя германскага паходжаньня^[3]. Іменная аснова суд- (сут-) (імёны ліцьвінаў Сударг, Судар, Сутарт; германскія імёны Sudergo, Suderus, Sutardus) паходзіць ад гоцкага sauþa 'вобраз'^[4] або ад стараісьляндзкага sudhr 'поўдзень'^[5].

У Польшчы адзначаецца прозьвішча Шудзель (Szudziel)^[6].

Варыянты імя ў гістарычных крыніцах: на Соудила (XI—XII стагодзьдзі)^[7]; Сутилу пять чоловековъ (1440—1492 гады)^[8]; pratum dictum Svdelyskye (30 ліпеня 1501 году)^[9]; Балтромеи Судилович (1528 год)^[10]; Якуб Судилович (1537—1538 гады)^[11]; о человека Петеля Суделевича (24 кастрычніка 1542 году)^[12]; з Судиловичъ (1567 год)^[13]; село Домановичи… Сенько Сутуловичъ (1552 год)^[14]; Ihnath Sudiłowicz (16 студзеня 1573 году)^[15]; Sudiłowicze (1593 год)^[16]; Jarosz Suciłło (1621 год)^[17]; Annæ Pałucza de Sodeliszki (1697 год)^[18]; Helena Suciło (1721 год)^[19]; Sodeliszki… Szudziłowicze (1744 год)^[20]; Dawid Szudziel (23 красавіка 1755 году)^[21]; Sudziło (1778 год)^[22].

Носьбіты

• Судзіл — жыхар Ноўгараду, які ўпамінаецца ў XI—XII стагодзьдзях^[7]
• Судзіла Іванкавіч — наўгародзкі пасаднік у 1141—1144 і 1147—1156 гадох^[23]
• Суціла — літоўскі баярын, які атрымаў наданьне ад вялікага князя Казімера
• Балтрамей Судзілавіч — медынгонскі баярын, які ўпамінаецца ў попісе войска Вялікага Княства Літоўскага 1528 году
• Якуб Судзілавіч — жыхар Жамойцкага староства, які ўпамінаецца ў 1537—1538 гадох
• Міхайла Марцінавіч Судзілавіч — расенскі зямянін, які ўпамінаецца ў 1571 годзе^[24]

Шуцілы (Szuciłło) — літоўскі шляхецкі род з Троцкага павету^[25].

Сутыла (Sutylo) — прозьвішча, зафіксаванае ў XIX стагодзьдзі ў ваколіцах Сувалкаў^[26].

На 1901 год існавалі вёска і станцыя Жудзілава у Мглінскім павеце Чарнігаўскай губэрні^[27].

На 1906 год існаваў фальварак і маёнтак Судзілавічы ў Лепельскім павеце Віцебскай губэрні^[28].

На гістарычнай Амсьціслаўшчыне існуе вёска Судзілы. Назву Судзілавічы маюць вёскі на гістарычных Аршаншчыне, Берасьцейшчыне і Полаччыне.