Суна (імя)

Суна (Шуна, Шунь) — мужчынскае імя.

Sunna
Паходжаньне
Мова(-ы)	германскія
Іншыя формы
Варыянт(ы)	Шуна, Шунь
Вытворныя формы	Сань
Зьвязаныя імёны	Соніка, Сунела, Сонбут, Сунігайла, Сунгард, Сонгуць, Сонкін, Дзірсун
Зьвязаныя артыкулы
якія пачынаюцца з «Суна»

Паходжаньне

Асноўны артыкул: Імёны ліцьвінаў

Суня, Суна або Сона (Sunja, Sunna, Sonna^[1]) — імя германскага паходжаньня^[2]. Іменная аснова -сун- (-сон-) паходзіць ад гоцкага sunja 'праўда', sunis 'сапраўдны'^[3]. Сярод ліцьвінаў бытавалі імёны Соніка (Шунейка), Сунела, Сонбут, Сунігайла (Сангел), Сунгард (Сонгард), Сонгуць, Сонкін. Адзначаліся германскія імёны Sonnica (Sunuko), Sunilo, Sonobodis, Sunigelo, Sungart (Songarta), Sungod, Sunken.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Sunobold (Sunoboldus)^[4]

У Прусіі бытавала імя Sonicke^[a] (1360 год)^[6].

Варыянты імя ў гістарычных крыніцах: Szuniewicze (1744 год)^[7]; Jozeff Suniewicz (25 жніўня 1812 году)^[8][b].

Носьбіты

• Суна († па 388) — водца франкаў
• Юзэф Суневіч — докшыцкі шляхціч, які ўпамінаецца ў 1812 годзе

На 1906 год існавала вёска Сунева ў Рэжыцкім павеце Віцебскай губэрні^[21].

У канцы XVIII ст. на гістарычнай Полаччыне адзначаўся шляхецкі род Шуневічаў^[22].

Шуневічы (Szuniewicz) гербаў Лада і Ладзьдзя — літоўскі шляхецкі род з Ашмянскага і Слуцкага паветаў^[23]

У гістарычнай Прусіі існуе вёска Сонігкайм.

Заўвагі

1. Адзначалася старажытнае германскае імя Sonnica^[5]
2. Таксама:

   • Сумбар, Шумбар (адзначалася германскае імя Sombart^[9]): Szumbarowicz (1666 год)^[10], Sumbar (1913 год)^[11], Антоні, Міхаліна, Вікторыя, Эмілія і Казімер Сумбары (Sumbar) — уладальнікі гаспадарак у Кальноце каля Падбярэзьзя на 1937 год^[12];
   • Сондаг: Сондаґі — літоўскі шляхецкі род^[13];
   • Сунат (адзначалася германскае імя Sonnet^[14]): Онъдреику Сунатовичу (9 лістапада 1449 году)^[15]
   • Сумонт (адзначалася старажытнае германскае імя *Sunjamundus^[16][17], *Suniamundus^[18]): чоловеки… Сумонътовичъ (1440—1492 гады)^[19], Samantany (1744 год)^[20]