Сушкі (Берасьцейская вобласьць)

Су́шкі^[2] — вёска ў Камянецкім раёне Берасьцейскай вобласьці, уваходзіць у Вярховіцкі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сушкі (неадназначнасьць).

Сушкі
трансьліт. Suški
Першыя згадкі:	XVI стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Насельніцтва:	106 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225073[1]
СААТА:	1240804066
Нумарны знак:	1
Геаграфічныя каардынаты:	52°26′39″ пн. ш. 23°32′34″ у. д.
Сушкі на мапе Беларусі ± Сушкі Сушкі

Сушкі месьцяцца за 24 км на паўночны захад ад Камянцу, за 55 км на поўнач ад Берасьця, за 12 км на паўночны ўсход ад чыгуначнай станцыі Высока-Літоўск (лінія Берасьце — Беласток).

Гісторыя

• XVI ст.: упершыню згадваецца як (па-)сяленьне Сушкова ў Берасьцейскім павеце ВКЛ.
• канец XIX ст.: маёнтак Сушкі ў Вярховіцкай воласьці Берасьцейскага павету Гарадзенскай губэрні Расейскай імпэрыі, уласнасьць графіні М.В. Грабоўскай, каля 1 тысячы дзесяцінаў зямлі.
• 1897: паводле перапісу ў маёнтку 3 двары, 100 жыхароў, кузьня.
• 1905: 40 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы, фальварак ў Вярховіцкай гміне Берасьцейскага павету Палескага ваяводзтва.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: хутары Сушкі ў Вярховіцкім сельсавеце Высокаўскага раёну Берасьцейскай вобласьці, агулам 50 двароў, 284 жыхары.
• 1941—1945: цягам Другой сусьветнай вайны на фронце загінулі 3 жыхары.
• 1947: арганізаваны калгас «30 год Кастрычніцкай рэвалюцыі» (у 1950 годзе — 80 чальцоў).
• 1948: у 7-гадовай школе 75 вучняў.
• 1960: у вёсцы 162 жыхары.
• 1962: у Камянецкім раёне.
• 1970: 165 жыхароў, у калгасе «Расея».

Насельніцтва

• 2010 год — 106 жыхароў
• 2005 год — 58 жыхароў, 26 двароў^[3]
• 1999 год — 74 жыхары

Інфраструктура

У складзе ААТ «Каралін».