Сьвіцічы

Сьві́цічы^[2] — вёска ў Камянецкім раёне Берасьцейскай вобласьці, за 40 км на паўднёвы захад ад Камянцу, за 28 км на паўночны захад ад Берасьця і за 12 км на поўдзень ад чыгуначнай станцыі Высока-Літоўск на лініі Берасьце — Беласток. Сьвіцічы ўваходзяць у Агародніцкі сельсавет, знаходзяцца ў складзе ААТ «Александрыя-Агра».

Сьвіцічы
трансьліт. Śvicičy
Першыя згадкі:	XVI стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Агародніцкі
Насельніцтва:	39 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225082[1]
СААТА:	1240848066
Нумарны знак:	1
Геаграфічныя каардынаты:	52°19′16″ пн. ш. 23°23′29″ у. д.
Сьвіцічы на мапе Беларусі ± Сьвіцічы Сьвіцічы
Галерэя здымкаў у Вікісховішчы

Гісторыя

• XVI ст.: паселішча Сьвецічова ў Берасьцейскім павеце спачатку Падляскага, а пазьней Берасьцейскага ваяводзтва ВКЛ.
• 1519: шляхецкая ўласнасьць.
• 1647: Андрэй Война прадаў Сьвіцічы разам з Высокім і вёскамі Лумна, Расна і іншымі віцебскаму ваяводу Паўлу Яну Сапегу.
• 1795: пасьля 3-га падзелу Рэчы Паспалітай у складзе Расейскай імпэрыі.
• 1833: згодна 8-й рэвізіі у Сьвіцічах 433 сялянскія душы, у тым ліку 277 працаздольных, 62 цяглавыя гаспадаркі, 37 дваровых людзей.
• у сярэдзіне XIX ст.: маёнтак і вёска Сьвіцічы ў Берасьцейскім павеце Гарадзенскай губэрні, уласнасьць Віслоцкіх.
• 1845: паводле інвэнтару ў маёнтку больш за 1880 дзесяцінаў сельгасугодзьдзяў. У склад маёнтку ўваходзілі фальварак Сьвіцічы і 5 вёсак (Сьвіцічы, Вярба, Пяскі, Малыя і Вялікія Камарнікі). У вёсцы Сьвіцічы на гэты час налічвалася 19 двароў і 127 жыхароў.
• 1857: 100 рэвіскіх душ.
• у канцы XIX ст.: вёска і маёнтак у Высока-Літоўскай воласьці Берасьцейскага павету Гарадзенскай губэрні.
• 1890: маёнтак належаў Аляксандру Віслоцкаму, мелася 721 дзесяціна сядзібнай і ворыўнай зямлі, усяго 1186 дзесяцінаў сельгасугодзьдзяў; вёска ў Сьвіціцкай сельскай грамадзе, 197 дзесяцінаў зямлі.
• 1897: 25 двароў, 155 жыхароў, хлебазапасная крама.
• 1905: 153 жыхары.
• 1921: калёнія і вёска Сьвіцічы ў складзе Высока-Літоўскай гміны Берасьцейскага павету Палескага ваяводзтва міжваеннай Польшчы.
• 1923: у калёніі Сьвіцічы 25 двароў, 135 жыхароў, у вёсцы — 21 двор, 93 жыхары.
• 1939: у складзе Берасьцейскай вобласьці БССР.
• 1940: у складзе Агародніцкага сельсавету Высокаўскага раёну Берасьцейскай вобласьці. У вёсцы — 32 двары і 220 жыхароў, у хутарах — 27 двароў і 170 жыхароў.
• 1948: у пачатковай школе 81 вучань.
• 1950: арганізаваны ў вёсцы калгас «Маяк» аб’ядноўваў 13 гаспадарак.
• 1952: у калгасе «Бальшавік» (у 1962 годзе перайменаваны ў калгас «Дружба»)
• 1960: 179 жыхароў.
• 1962: у Камянецкім раёне Берасьцейскай вобласьці.
• 1970: 143 жыхары.
• 1972: хутары зьліліся зь вёскай.

Насельніцтва

• 1999 год — 56 жыхароў
• 2005 год — 53 жыхары, 24 двары^[3]
• 2010 год — 39 жыхароў