Сяргей Корсак

Сярге́й Ко́рсак (нар. 24 лютага 1989 году, Маладэчна, БССР) — беларускі футбаліст, паўабаронца.

Сяргей Корсак
Пэрсанальная інфармацыя
Нарадзіўся	24 лютага 1989(1989-02-24)[1] (36 гадоў) Маладэчна, Менская вобласьць, БССР, СССР
Рост	180 см
Вага	76 кг
Пазыцыя	паўабаронца
Клюбная інфармацыя
Клюб	Узда
Клюбы
Гады	Клюб	Гульні (галы)¹
2007—2009	Маладэчна-2018	49 (14)
2010—2011	Партызан Менск	43 (4)
2012	Смаргонь	24 (0)
2013	Нафтан	11 (0)
2013	→ Слуцак	15 (2)
2014	Гарадзея	0 (2)
2014—2015	Узда	37 (30)
2015—2017	Крумкачы	35 (7)
2017	Тарпэда Менск	10 (1)
2018	Ліда	28 (4)
2019	Крумкачы	10 (3)
2019—2020	Маладэчна-2018	19 (16)
2020	МЛ Віцебск	1 (0)
2025—4	Узда

Вікіпэдыя мае артыкулы пра іншых асобаў з прозьвішчам Корсак.

Кар’ера

Зь веку 15 гадоў навучаўся ў школе менскага «Дынама»^[2], але дарослую кар’еру пачынаў у другалігавым клюбе «Маладэчна». У 2010 годзе перабраўся ў менскі «Партызан». Пасьля спыненьня існаваньня клюбу прыяднаўся да «Смаргоні». У студзені 2013 году падпісаў кантракт з «Нафтанам» на 2 гады^[3].

Ня здолеў замацавацца ў асноўным складзе і ў жніўні таго ж году быў аддадзены ў арэнду «Слуцку». Дапамог «Слуцку» атрымаць перамогу ў Першай лізе, але па заканчэньні сэзона пакінуў клюб. У сакавіку 2014 году перайшоў у «Гарадзею»^[4], але хутка пасьля пачатку чэмпіянату быў аддадзены ў арэнду ў клюб Другой лігі «Беліта-Вітэкс»^[5]. У складзе узьдзенскага клюбу быў ключавым гульцом, з 22 галамі стаў найлепшым бамбардзірам каманды ў сэзоне. Сэзон 2015 году таксама пачаў у клюбе з Узды (у чэрвені клюб зьмяніў назву «Беліта-Вітэкс» на «Ўзда»).

У ліпені 2015 году падпісаў кантракт на адзін год з клюбам «Крумкачы»^[6]. У сэзоне 2016 гуляў за «Крумкачы» ў Найвышэйшай лізе, чаргуючы выхады ў асноўным складзе і на замену. Пачатак сэзону 2017 году прапусьціў праз траўму і пазьней ня здолеў вярнуцца ў стартавы склад, толькі тройчы зьявіўшыся на замену ў чэмпіянаце. У ліпені 2017 году паводле пагадненьня бакоў пакінуў «Крумкачы»^[7]

У ліпені 2017 году перайшоў у менскае «Тарпэда»^[8]. У студзені 2018 году падпісаў кантракт з клюбам «Ліда»^[9], дзе хутка замацаваўся ў асноўным складзе. У лютым 2019 году перайшоў у НФК^[10]. У жніўні 2019 году падпісаў кантракт з клюбам «Маладэчна»^[11] ды пакінуў сталічную каманду ў жніўні таго ж году^[12]. Пасьля вярнуўся ў «Маладэчна]»^[13].

У ліпені 2020 году перайшоў у рагачоўскі «Дняпро»^[14], аднак пасьпеў правесьці за новую каманду толькі адную сустрэчу, пасьля чаго ў жніўні быў дыскваліфікаваны АБФФ на два гады за ўдзел у дамоўных матчах у сэзоне 2018 году^[15].

Статыстыка

Клюб	Сэзон	Чэмпіянат
		Дывізіён	Матчы	Галы
Узда	2015	Другая ліга	8	8
Крумкачы		Першая ліга	10	4
	2016	Найвышэйшая ліга	22	3
	2017	Найвышэйшая ліга	3	0
Тарпэда Менск		Першая ліга	10	1
Ліда	2018	Першая ліга	28	4