Тарут

Тарут (Таруць, Таруці, Тарута) — мужчынскае імя і вытворнае ад яго прозьвішча.

Tarut
Паходжаньне
Мова(-ы)	германскія
Утворанае ад	Tara + суфікс з элемэнтам -т- (-t-)
Іншыя формы
Варыянт(ы)	Таруць, Таруці, Тарута, Дарут
Зьвязаныя артыкулы
якія пачынаюцца з «Тарут»

Паходжаньне

Асноўны артыкул: Імёны ліцьвінаў

Тарут (Tarut) — імя германскага паходжаньня^[1]. Іменная аснова -тор- (-тар-, -дар-) (імёны ліцьвінаў Тарвід, Турвін, Дармонт; германскія імёны Tarut, Torvid, Darmundus) паходзіць ад гоцкага thaur > thoris 'волат, асілак'^[2]. Антрапанімічны суфікс-пашыральнік -ут- (-ut-) адзначаецца як у германскіх, так і ў славянскіх мовах^[3].

Варыянты імя ў гістарычных крыніцах: Тарутю чоловекъ… чоловекъ Таруть (20 чэрвеня 1413—1424 гадоў^[4] паводле выпісу 30 студзеня 1607 году)^[5]; Милейко Дорутович… Тарути Нацович (1537—1538 гады)^[6]; Tom Thorutanowicz (1609 год)^[7]; на могилевца на Ондрюшку Торуту… литвин Ондрюшка Торута (паміж 25 і 30 жніўня 1625 году)^[8]; siolo Lyntupy… Jasiuk Tarucewicz (26 лютага 1619 году)^[9]; Jan Tarutowicz (1675—1677 гады)^[10].

Носьбіты

• Тарут — літоўскі баярын, які атрымаў ад вялікага князя Вітаўта два чалавекі ў Медніцкай воласьці^[11]
• Таруці Нацавіч — жыхар Жамойцкага староства, які ўпамінаецца ў 1538 годзе
• Ядвіга Пашкаўна Таруцевіч — расенская зямянка, якая ўпамінаецца ў 1593 годзе^[12]
• Іван Тарута — жыхар маёнтку Галамысьлі (Полацкае ваяводзтва), які ўпамінаецца ў 1792 годзе^[13]

Таруці — прыгонныя зь вёскі Доневічаў (каля Лаздунаў), якія ўпамінаюцца ў XIX стагодзьдзі^[14].

На гістарычнай Ашмяншчыне існуе вёска Таруці.