Мілейка

Мілейка (Міліка, Мілека, Мелейка, Мелека, Міліх) — мужчынскае імя і вытворнае ад яго прозьвішча.

Milleke
Паходжаньне
Мова(-ы)	германскія
Утворанае ад	Milo + суфікс з элемэнтам -к- (-k-)
Іншыя формы
Варыянт(ы)	Мілека, Міліка, Мелейка, Мелека, Міліх, Мілька
Зьвязаныя артыкулы
якія пачынаюцца з «Мілейка»

Паходжаньне

Асноўны артыкул: Імёны ліцьвінаў

Міліка, пазьней Мілека, Мелека або Міліх (Milike, Milleke^[1], Mielecke^[2], Melleko^[3], Milich) — імя германскага паходжаньня^[4]. Іменная аснова -міл- (-мел-) (імёны ліцьвінаў Мельвід, Мілар, Мільконт; германскія імёны Melvid, Milehar, Milgunt) паходзіць ад гоцкага mildeis 'мяккі, прыязны'^[5][6].

У Прусіі бытавала імя Мілека (Мелейка): Mileke (1419 год)^[7], Meleyke (1456 год)^[8].

Варыянты імя ў гістарычных крыніцах: Roman Mileiconis cum fratre Wolczcone (18 студзеня 1401 году)^[9]; do Mileikin brudir wonet (Паведамленьні аб літоўскіх дарогах)^[10]; Myleyken dem Samayten gegebe (31 сьнежня 1404 году)^[11]; Mileyken (26 сакавіка 1409 году)^[12]; Mileykowo… stawna lukna mellis Mileykoni in eadem Blussza (20 красавіка 1411 году)^[13]; чоловеки… Милеико (20 чэрвеня 1413—1424 гадоў^[14] паводле выпісу 30 студзеня 1607 году)^[15]; in villa mea Mileykoni dicta (14 студзеня 1459 году)^[16]; habitantes tributarios… Mileyko (8—13 сакавіка 1462 году)^[17]; Mileyko hominem nostrum (6 сакавіка 1498 году)^[18]; у Виленском повете у Судеревскои волости дал ему две земли пустых леитиских… а Милеиковщину (8 красавіка 1516 году)^[19]; Милейко Павлович (1537—1538 гады)^[20]; Мартин Милеикович (1 ліпеня 1542 году)^[21]; а Милейка Лесевича (1542 год)^[22]; у волости нашои Куриловъскои поседь Скемоньскую, в которои полъсемы службы людеи… Лаврина Павловича а Анъдрушкевича Миликовичовъ (3 кастрычніка 1561 году)^[23]; Харитонъ Мелековичъ (1563 год)^[24]; Лучка Миликовичъ (1566 год)^[25]; з волости Мъстиславской, з села Мелейковского (6 лістапада 1579 году)^[26]; Якуть Милейко… Гришко Милейко… Грицукъ Милейко (23 кастрычніка 1597 году)^[27]; domek Michała Milekiewicza (1690 год)^[28]; Miłeykiszki (1744 год)^[29]; Adam Miłeyko (1765 год)^[30]; Wieś Sieliszki y Kromaniszki… Eyżyn y Mileyko… Wieś Spojowo. Podvojski Jur Mileyko. Wasil y Andrzey Mileykowie (26 жніўня 1765 году)^[31]; Stanisław Milikiewicz (1805 год)^[32]; Prakseda Milich (1813 год)^[33].

Носьбіты

• Раман Мілейкавіч — літоўскі баярын, які засьведчыў акт Віленска-Радамскай уніі
• Мілейка Паўлавіч — жыхар Жамойцкага староства, які ўпамінаецца ў 1537—1538 гадох
• Соф’я Рыгораўна Міляйковіч — расенская зямянка, якая ўпамінаецца ў 1584 годзе^[34]
• Юры Мілейкавіч — расенскі зямянін, які ўпамінаецца ў 1598 годзе^[35]
• Юзэф Мілейка — дзяржаўны дзяяч Вялікага Княства Літоўскага, мастаўнічы амсьціслаўскі ў 1705 годзе^[36]
• Адам Мілейка — шляхціч Полацкага ваяводзтва, які ўпамінаецца ў 1765 годзе^[37]

Мілейкі гербу Сьлепаўрон — літоўскі шляхецкі род зь Віленскага павету^[38].

Мілейкі (Milejko) — літоўскі шляхецкі род з Троцкага павету^[39].

Мількевіч (Milkiewicz), Мілейка (Milejko) і Мільковіч (Milkowicz) — прозьвішчы, зафіксаваныя ў XIX стагодзьдзі ў ваколіцах Сувалкаў^[40].

У 1690 годзе ўпаміналася мясцовасьць Мілейкавічы ў Жамойцкім старостве^[41].

Вёскі з назвай Мілейкава існуюць на гістарычных Амсьціслаўшчыне і Смаленшчыне, з назвай Мілейкі — на гістарычных Браслаўшчыне і Слонімшчыне. На гістарычнай Ашмяншчыне існуе вёска Мілэйкава.