Тацяна Шамякіна

Таця́на Іва́наўна Шамя́кіна (8 кастрычніка 1948, Менск) — беларускі крытык, літаратуразнаўца, перакладчык. Доктар філялягічных навук (2001).

Тацяна Шамякіна
Дата нараджэньня	8 кастрычніка 1948(1948-10-08) (76 гадоў)
Месца нараджэньня	Менск, БССР, СССР
Месца вучобы	філялягічны факультэт БДУ
Занятак	літаратуразнаўца, перакладніца, літаратурны крытык, прафэсарка ўнівэрсытэту, літаратар
Навуковая сфэра	літаратуразнаўства[1], літаратурная крытыка[1], перакладніцкая дзейнасьць[d][1] і фальклёр[1]
Месца працы	БДУ
Сябра ў	Саюз пісьменьнікаў СССР, Саюз беларускіх пісьменьнікаў і Саюз пісьменьнікаў Беларусі
Навуковая ступень	доктар філялягічных навук[d]
Бацька	Іван Шамякін
Узнагароды	Залаты Купідон (2010)

Біяграфія

Нарадзілася 8 кастрычніка 1948 году ў Менску ў сям’і беларускага пісьменьніка Івана Шамякіна. Скончыла філялягічны факультэт Беларускага дзяржаўнага ўнівэрсытэту (1971) і асьпірантуру пры гэтым унівэрсытэце (1974). З 1974 году — выкладчыца, з 1982 году — дацэнт катэдры беларускай літаратуры Беларускага дзяржаўнага ўнівэрсытэту.

Навуковая дзейнасьць

Дасьледуе беларускую міталёгію ў кантэксьце сусьветнай, у сувязі зь літаратурай і фальклёрам, праблемы сучаснай беларускай прозы, асаблівасьці стылю беларускіх пісьменьнікаў (Якуба Коласа, Алены Васілевіч, Івана Пташнікава, Аляксея Карпюка, Міхася Стральцова, Івана Чыгрынава й іншых). Аўтар манаграфій «На лініі перасячэньня» (1981), «Беларуская клясычная літаратура і міталёгія» (2001). Суаўтар падручнікаў па беларускай літаратуры для школ з паглыбленым і профільным вывучэньнем беларускай літаратуры, ліцэяў, каледжаў, гімназій і ВНУ.

Творчасьць

Аўтар кнігі літаратурнай крытыкі «На лініі перасячэньня» (1981). Пераклала на расейскую мову аповесьці Івана Шамякіна «Гандлярка і паэт» (Масква, 1977), «Драма» (часопіс «Нёман», 1989), п’есу «Залаты мэдаль» (пастаўлена ў 1980), раманы «Вазьму твой боль» (Масква, 1980), «Петраград — Брэст» (Масква, 1985), «Зэніт» (Масква, 1988).

Узнагароды

• прэміі «Залаты Купідон» (2010)^[2].

Выбраная бібліяграфія

• Міфалогія Беларусі. — Мн., 2000.
• Міфалогія і беларуская літаратура: нарысы і эсэ. — Мн., 2008. ISBN 978-985-02-0925-2