Хмялі

Хмялі́^[2] — вёска ў Камянецкім раёне Берасьцейскай вобласьці, за 41 км на захад ад Камянцу, за 35 км на паўночны захад ад Берасьця, за 8 км на поўдзень ад чыгуначнай станцыі Высока-Літоўск на лініі Берасьце — Беласток. Месьціцца на правым беразе ракі Пульвы. Уваходзяць у Агародніцкі сельсавет, у складзе ААТ «Александрыя-Агра».

Хмялі
трансьліт. Chmiali
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Агародніцкі
Насельніцтва:	17 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225082[1]
СААТА:	1240848076
Нумарны знак:	1
Геаграфічныя каардынаты:	52°19′59″ пн. ш. 23°20′38″ у. д.
Хмялі на мапе Беларусі ± Хмялі Хмялі

Гісторыя

• сярэдзіна XIX ст.: вёска ў складзе фальварка Александрыя маёнтку Высока-Літоўск у Берасьцейскім павеце Гарадзенскай губэрні.
• 1845: паводле інвэнтару ўладаньне князя К. Сапегі, у вёсцы 11 двароў, 84 наяўныя сялянскія душы.
• 1857: вёска маёнтку Высока-Літоўск графіні Патоцкай.
• канец XIX ст.: ў складзе Высока-Літоўскай воласьці Берасьцейскага павету Гарадзенскай губэрні.
• 1890: у складзе Хмялёва-Агародніцкай сельскай грамады, якой належала каля 322 дзесяцінаў лугу.
• 1897: паводле перапісу ў вёсцы 18 двароў, 134 жыхары, вадзяны млын на рацэ Пульва (пры ім 8 жыхароў).
• 1905: 144 жыхары.
• 1921: вёска ў складзе Высока-Літоўскай гміны Берасьцейскага павету Палескага ваяводзтва міжваеннай Польшчы.
• 1923: 7 двароў, 34 жыхары.
• 1939: у складзе Берасьцейскай вобласьці БССР.
• 1940: у складзе Агародніцкага сельсавету Высокаўскага раёну Берасьцейскай вобласьці; у вёсцы 110 жыхароў.
• 1949: арганізаваны калгас «8 Сакавіка», які ў 1950 налічваў 37 чальцоў.
• 1952: вёска ў калгасе «Бальшавік», які ў 1962 годзе перайменаваны ў калгас «Дружба».
• 1960: 108 жыхароў.
• 1962: у Камянецкім раёне.

Насельніцтва

• 1999 год — 21 жыхар
• 2005 год — 16 жыхароў, 10 двароў^[3]
• 2010 год — 17 жыхароў