Шчарчова

Шчарчо́ва^[2] — вёска ў Пружанскім раёне Берасьцейскай вобласьці, цэнтар Шчарчоўскага сельсавету. Знаходзіцца за 30 км на паўднёвы захад ад Пружанаў, 16 км ад чыгуначнай станцыі Тэўлі на лініі Баранавічы — Берасьце.

Шчарчова
трансьліт. Ščarčova
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Шчарчоўскі
Насельніцтва:	419 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225173[1]
СААТА:	1256889106
Нумарны знак:	1
Геаграфічныя каардынаты:	52°25′36″ пн. ш. 24°9′7″ у. д.
Шчарчова на мапе Беларусі ± Шчарчова Шчарчова
Галерэя здымкаў у Вікісховішчы

Мінуўшчына

У 1563 року належала да Кобрынскай эканоміі ВКЛ, разам зь вёскай Кобцева складала Шчарчоўскае войтаўства^[3].

За расейскім часам — у Гарадзечанскай воласьці Пружанскага павету Гарадзенскай губэрні^[4]. У 1886 — 513 жыхароў, 50 двароў, піцейны і вінакурны заводы. Паводле перапісу 1897 року 686 жыхароў, 102 двары, вятрак, хлебазапасны магазін. На пачатку XX стагодзьдзя 536 жыхароў.

За польскім часам — у гміне Гарадзечна Пружанскага павету Палескага ваяводзтва^[5]. У 1921 року 548 жыхароў, 139 двароў.

Зь верасьня 1939 року ў складзе БССР, з 15 студзеня 1940 у складзе Шарашоўскага раёну Берасьцейскай вобласьці, з 12 кастрычніка 1940 цэнтар сельсавету. З 17 сьнежня 1956 у складзе Пружанскага раёну Берасьцейскай вобласьці.

Насельніцтва

• XX стагодзьдзе: 1970 год — 291 жыхар; 1999 год — 644 жыхары
• XXI стагодзьдзе: 2003 год — 486 жыхароў, 165 гаспадарак; 2005 год — 464 жыхары, 163 двары^[6]; 2010 год — 419 жыхароў

Інфраструктура

Аддзяленьне сувязі, крама, фэльчарска-акушэрскі пункт, сярэдняя школа-сад, комплексны прыёмны пункт бытавога абслугоўваньня насельніцтва, рамонтна-мэханічныя майстэрні.

Транспарт

Аўтамабільныя дарогі Н525 Шчарчова — Шарашоў і Н542 Шчарчова — Хіцёўшчына — Крыніца^[7].

Турыстычная інфармацыя

• Братэрская магіла (1941—1944)