Эдэр Мілітан
бразыльскі футбаліст From Wikipedia, the free encyclopedia
Remove ads
Эдэр Мілітан (па-партугальску: Éder Militão; нар. 18 студзеня 1998 году) — бразыльскі футбаліст, абаронца гішпанскага клюбу «Рэал» і нацыянальнай зборнай Бразыліі.
Remove ads
Кар’ера
Клюбная
Зь юнацтва бараніў колеры клюб «Сан-Паўлу» розных узростаў. Мілітан дэбютаваў на прафэсійным узроўні 14 траўня 2017 году ў гасьцявым матчы чэмпіянату Бразыліі супраць «Крузэйру», які скончыўся зь лікам 1:0 на карысьць супернікаў[2]. З таго часу стаў гульцом асноўнага складу. Апошні раз у складзе клюбу згуляў 5 жніўня 2018 году, калі каманда перамогла «Вашку да Гаму» зь лікам 2:1[3].
7 жніўня 2018 году Мілітан склаў пяцігадовую прафэсійную ўгоду з партугальскім «Порту»[4]. Запачаткаваў выступы ў Эўропе 2 верасьня, выйшаўшы ў складзе першай адзінаццатцы ў хатнім пераможным матчы супраць «Марэйрэнсі» і зрабіў галявую перадачу на капітана Эктара Эрэру[5]. У наступных матчах Мілітан хутка замацаваўся ў пачатковым складзе на пазыцыі цэнтральнага абаронцы, утварыўшы з таварышам па камандзе Фэліпэ ладны дуэт[6]. Чатыры разы запар зь верасьня 2018 году па студзень 2019 году ён быў прызнаны абаронцам месяца ў партугальскай Прымэйры[7].
14 сакавіка 2019 году клюб Ля Лігі мадрыдзкі «Рэал» абвесьціў аб падпісаньні зь Мілітанам шасьцігадовага кантракту, які пачаў дзеіць 1 ліпеня 2019 году пасьля сплаты 50 мільёнаў эўра за трансфэр з «Порту»[8]. Запачаткаваў выступы ў новай камандзе 14 верасьня, выйшаўшы на замену Сэрхіё Рамасу на апошнія паўгадзіны ў хатняй пераможнай гульні супраць «Левантэ» (3:2)[9]. У 2021—2022 гадах Мілітан нарэшце стаў заўсёдным гульцом асноўнага складу пасьля зыходу з каманды вэтэранаў Сэрхіё Рамаса і Рафаэля Варана. Пару яму ў абароне склаў аўстрыец Давід Аляба[10]. 12 жніўня 2023 году Мілітан атрымаў разрыў пярэдняга крыжападобнага вязу левага калена падчас першай гульні сэзону чэмпіянату Гішпаніі супраць «Атлетыка» зь Більбао[11]. Гэтая траўма прывяла да таго, што ён быў вымушаны прапусьціць увесь сэзон з пэрыядам аднаўленьня, які ацэньваўся ў дзевяць месяцаў[12]. 23 студзеня 2024 году абаронца падпісаў новы кантракт з клюбам, які дзеіць да 2028 году[13]. Ягоны кантракт дазволіў яму павысіць заработную плату, а таксама дадаў пункт аб выкупе ў памеры 1 мільярда эўра, максымальна дазволенага правіламі Ля Лігі.
Міжнародная
У верасьні 2018 году Мілітан быў выкліканы на таварыскія матчы зборнай Бразыліі ў ЗША супраць гаспадароў і зборнай Сальвадору пасьля таго, як абаронца Фагнэр быў траўмаваны[14]. Гулец дэбютаваў у складзе зборнай 11 верасьня ў матчы супраць сальвадорцаў, адгуляўшы ўсе 90 хвілінаў матчу. У траўні 2019 году Мілітан быў улучаны да складу зборнай Бразыліі на Кубак Амэрыкі 2019 году[15]. У фінальным матчы супраць зборнай Пэру 7 ліпеня, які прайшоў на стадыёне Маракана, ён выйшаў на замену, замяніўшы Філіпэ Каўтыньню ў другім тайме, калі ягоная каманда выйграла зь лікам 3:1. Таксама ў складзе зборнай абаронца гуляў на Кубку Амэрыкі 2021 году[16].
Remove ads
Дасягеньні
«Рэал»:
- Чэмпіён Гішпаніі: 2020, 2022, 2024
- Уладальнік Кубка Гішпаніі: 2023
- Уладальнік Супэркубка Гішпаніі: 2020, 2022
- Пераможца Лігі чэмпіёнаў: 2022, 2024
- Уладальнік Супэркубка Эўропы: 2022, 2024
- Пераможца клюбнага чэмпіянату сьвету: 2022
Бразылія:
- Уладальнік Кубка Амэрыкі: 2019
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads