Юры Сямёнавіч Гальшанскі

Юры Сямёнавіч Гальшанскі (каля 1410 — каля 1457) — дзяржаўны дзяяч Вялікага Княства Літоўскага.

Юры Сямёнавіч Гальшанскі
лац. Jury Siamionavič Halšanski

Асабістыя зьвесткі
Нарадзіўся	1410
Памёр	не раней за 1456 і не пазьней за 1458[1][2]
Род	Гальшанскія
Бацькі	Сямён Гальшанскі[d][3] Марыя[d]
Дзеці	Іван Гальшанскі[d][4], Аляксандар Гальшанскі[d][5], Юліянія Гальшанская[d][6], Сямён Гальшанскі[6], Ганна Гальшанская[d][6][7], Васіль Гальшанскі[d][6] і Юры Гальшанскі[d][6]

Разам з братамі валодаў Гальшанамі, Глускам, Дубровіцай са Сьцепаньню, Раманавам у Аршанскім павеце, Станькавам і Жыцінам у Менскім павеце, Сьвіранамі, Шашоламі, Кроштамі ды іншым^[8].

Біяграфія

З княскага роду Гальшанскіх, сын Сямёна Лютага.

Быў адным з арганізатараў абраньня вялікім князем Казімера Ягайлавіча ў 1440 годзе. У 1456 годзе, аднак, далучыўся да апазыцыі, якая хацела абраць вялікім князем Сямёна Алелькавіча.

Ажаніўся з Ульлянай невядомага паходжаньня, якая запісала ў памяньнік Кіеўска-Пячэрскай лаўры як свой род князёў Уладзімера Альгердавіча і Алельку Ўладзімеравіча. У шлюбе нарадзіліся дзеці:

• Юліянія; памерла маладой, прылічаная да сьвятых
• Ганна, другая жонка Марціна Гаштольда
• Іван Дубровіцкі; удзельнік змовы супраць вялікага князя Казімера, пакараны сьмерцю ў 1481 годзе)
• Аляксандар, кашталян віленскі з 1493 году
• Васіль
• Юры
• Сямён, староста луцкі з 1490 году