Беллеспаперапрам

Беллеспаперапрам — беларускі вытворча-гандлёвы канцэрн лясной, дрэваапрацоўчай і цэлюлозна-папяровай прамысловасьці, заснаваны ў 1993 годзе. У 2009 г. на прадпрыемствы канцэрна прыпадала 70% перапрацоўкі драўніны і звыш 50% вырабленай у краіне мэблі^[1]. З 31 жніўня 2004 г.^[2] да 23 лістапада 2012 году^[3] пасаду старшыні займаў Ўладзімер Шульга. Ад 17 сьнежня 2013 пасаду займае Юры Назараў.

Беллеспаперапрам
Тып	канцэрн
Заснаваная	9 сакавіка 1993 (32 гады таму)
Заснавальнікі	Савет міністраў Рэспублікі Беларусь
Разьмяшчэньне	Менск, вул. К. Маркса, д. 16
Ключавыя фігуры	Юры Назараў
Галіна	Дрэваапрацоўка
Прадукцыя	Драўніна, мэбля, папера
Абарачэньне	▲3,7 трыльёны рублёў (2010; 1,2 млрд $)
Апэрацыйны прыбытак	146,9 млрд руб (2010; 49,1 млн $)
Чысты прыбытак	▲512,1 млрд руб (2011; 91,4 млн $)
Матчына кампанія	Савет міністраў Рэспублікі Беларусь
Даччыныя кампаніі	«Беларускія шпалеры», «Пінскдрэў», «ФанДАК»
www.bellesbumprom.by

Даччыныя прадпрыемствы

У склад канцэрна ўваходзяць Бабруйская вучэльня кадраў ляснога комплекса і прадпрыемствы:

• Берасьцейскай вобласьці — Берасьцейская мэблевая фабрыка, «Івацэвічдрэў», «Лунінецлес», «Пінскдрэў», Ружанская мэблевая фабрыка (Пружанскі раён);
• Віцебскай вобласьці — «Віцебскдрэў», «Віцебсклес», «Полацаклес», «Чырвоная зорка» (Чашнікі);
• Гарадзенскай вобласьці — «Альбэртын» (Слонім), «Альхоўка» (Астравецкі раён), «ЗОУ-Ленэўрамэбля», «Лідабудматэрыялы», Лідзкая мэблевая фабрыка, «Мастоўдрэў», «Слоніммэбля», «Эксклюзіў»;
• Гомельскай вобласьці — «Гомельдрэў», «Жлобінмэбля», «Жыткавічлес», «Мазырдрэў», «Мазырлес», Мазырскі дрэваапрацоўчы камбінат, «Прагрэс», «Рэчыцадрэў», «Сасновы Бор» (Шацілавіцкі раён), Сьветлагорскі цэлюлозна-кардонны камбінат;
• Магілёўскай вобласьці — Бабруйская мэблевая фабрыка, «Бабруйскмэбля», «Завод газэтнай паперы» (Шклоў), «Касьцюковіцкі леспрамгас», «Магілёўдрэў», «Магілёўлес», «Магілёўмэбля», «Спартак» (Шклоў), «ФанДАК» (Бабруйск), ;
• Менскай вобласьці — «Барысаўдрэў», «Барысаўлес», «Барысаўскі ДАК», Барысаўскі рамонтна-мэханічны завод, «Буддэталі» (Вялейка), «Лесахімік» (Барысаў), «Маладэчналес» (Вялейка), «Маладэчнамэбля», Новасьвержаньскі лесазавод (Стаўпецкі раён), «Плешчаніцлес» (Лагойскі раён), Пухавіцкая кардонная фабрыка (вёска Сьветлы Бор), Слуцкая мэблевая фабрыка, «Чэрвеньскі леспрамгас»;
• Менску — «Беларускія шпалеры», «Беллеспаперпрамэкспарт», «Менскмэбля», «Менскпраектмэбля»^[4].

Санкцыі

5 сьнежня 2023 году канцэрн быў унесены ў санкцыйны сьпіс спэцыяльна вызначаных грамадзянаў і заблякаваных асобаў ЗША^[5][6].