Вялікія Рагі

Вялі́кія Рагі́^[1] — вёска ў Жлобінскім раёне Гомельскай вобласьці Беларусі. Уваходзіць у склад Салонскага сельсавету. Насельніцтва 697 чал. (2010). Знаходзіцца за 2 км на поўдзень ад места і чыгуначнай станцыі Жлобін (лінія Бабруйск — Гомель), за 92 км ад Гомелю.

Вялікія Рагі
трансьліт. Vialikija Rahi
Першыя згадкі:	XIX стагодзьдзе
Краіна:	Беларусь
Вобласьць:	Гомельская
Раён:	Жлобінскі
Сельсавет:	Салонскі
Насельніцтва:	697 чал. (2010)
Часавы пас:	UTC+3
Тэлефонны код:	+375 2334
Паштовы індэкс:	247196
Нумарны знак:	3
Геаграфічныя каардынаты:	52°52′0″ пн. ш. 30°3′0″ у. д.
Вялікія Рагі на мапе Беларусі ± Вялікія Рагі Вялікія Рагі

На ўсходзе абалона ракі Дняпро.

Гісторыя

Паводле пісьмовых крыніцаў вядомая з пачатку XIX стагодзьдзя як вёска ў Рагачоўскім павеце Магілёўскай губэрні. Паводле рэвізійных матэрыялаў 1858 году валоданьне князя Л. М. Галіцына. Паводле перапісу 1897 году знаходзіліся школа граматы, хлебазапасны магазін, цагельня. У 1909 годзе 920 дзесяцін зямлі, у Стрэшынскай воласьці. Дзейнічала царкоўна-прыхадзкая школа.

У 1930 годзе арганізаваны калгас. Падчас Вялікай Айчыннай вайны акупанты спалілі 16 двароў, забілі 37 жыхароў. 45 жыхароў загінулі на франтах. Паводле перапісу 1959 году ў складзе Жлобінскай птушкафабрыкі (цэнтар — вёска Саланое). Працуе пачатковая школа.

Насельніцтва

• XIX стагодзьдзе: 1858 — 15 двароў, 102 жыхары; 1897 — 41 двор, 299 жыхароў (паводле перапісу)
• XX стагодзьдзе: 1909 — 378 жыхароў; 1925 — 101 двор; 1940 — 107 двароў, 449 жыхароў; 1959 — 461 жыхар (паводле перапісу); 1999 — 774 жыхары
• XXI стагодзьдзе: 2004 — 273 гаспадаркі, 861 жыхар^[2]; 2010 — 697 жыхароў