Вярэйка

Вярэйка (Верыка), Варэйка (Варыка) — мужчынскае імя і вытворнае ад яго прозьвішча.

Werica
Паходжаньне
Мова(-ы)	германскія
Утворанае ад	Wero + суфікс з элемэнтам -к- (-k-)
Іншыя формы
Варыянт(ы)	Верыка, Варыка, Варэйка
Зьвязаныя артыкулы
якія пачынаюцца з «Вярэйка»

Паходжаньне

Асноўны артыкул: Імёны ліцьвінаў

Верыка або Варака (Wericho, Werica, Waraco) — імя германскага паходжаньня^[1]. Іменная аснова -вер- (-вар-, -вір-) (імёны ліцьвінаў Вірбольт, Вірконт, Вірмонт; германскія імёны Virboldus, Werecundus, Vermunt) паходзіць ад германскага *war(j)a-, war(i)n 'абарона'^[2].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Wierko (Wierka, Wierek)^[3].

У Прусіі бытавала імя Варыка (Вірыка): Wyrike (1390 год)^[4], Wariko (1394 год)^[5].

Варыянты імя ў гістарычных крыніцах: служобъ людеи… Юреи Вереиковичъ (23 траўня 1539 году)^[6]; село Ворейково (1554 год)^[7]; Ian Wierykowicz (12 кастрычніка 1561 году)^[8]; село Сычи… Труць Верейковичъ (1566 год)^[9]; Iacobus Wareyko… Anna Woreykowna (1697 год)^[10]; Katarzyna Wereyko (1758 год)^[11]; do jm. p. Werejki skarbnika wendeńskiego (1782—1784 гады)^[12]; Dominik Waryko (9 лютага 1791 году)^[13].

Носьбіты

• Андрэй, Людвік і Ян Вярэйкі (Верайкі) — жыхары вёскі Караліна (Гарадзенскі павет), якія ўпамінаюцца ў 1782 годзе^[14]

Вэрыкі (Weryk) — прыгонныя зь вёсак Мартышунаў, Біюнаў і Жаўгедаў (Віленскі павет), якія ўпамінаюцца ў XIX стагодзьдзі^[15].

Вярэйкі (Werejko) і Верыковічы (Wierzykowicz) — літоўскія шляхецкія роды зь Віленскага павету^[16].

Вэрыкі (Weryka) — літоўскі шляхецкі род з ваколіцаў Барысава^[17].

Вярэйка (Werejko, Wierejko) і Верка (Wierka) — прозьвішчы, зафіксаваныя ў XIX стагодзьдзі ў ваколіцах Сувалкаў^[18].

На 1904 год існавала вёска Верэйка (Вярэйка) у Смаленскім павеце Смаленскай губэрні^[19].

На 1906 год існавала вёска Варэйкі ў Люцынскім павеце Віцебскай губэрні^[20].

На гістарычнай Ваўкавышчыне існуе вёска Вярэйкі.