Давейка

Давейка (Давіка) — мужчынскае імя і вытворнае ад яго прозьвішча.

Davico
Паходжаньне
Мова(-ы)	германскія
Утворанае ад	Davo + суфікс з элемэнтам -к- (-k-)
Іншыя формы
Варыянт(ы)	Давіка
Зьвязаныя артыкулы
якія пачынаюцца з «Давейка»

Паходжаньне

Асноўны артыкул: Імёны ліцьвінаў

Давіка, пазьней Дэвэка (Davico, Deweke^[1]) — імя германскага паходжаньня^[2]. Іменная аснова -даў(г)- (імёны ліцьвінаў Даўгерд, Даўгер, Даўят; германскія імёны Daugaard, Dauharjis, Dowyatt) паходзіць ад гоцкага daug 'годна', бургундзкага daugjis 'здольны, годны'^[3][4].

У Польшчы ў 1789 годзе адзначалася прозьвішча Dowejka^[5].

Варыянты імя ў гістарычных крыніцах: Матей Довейко (1567 год)^[6]; лавникомъ тогожъ села Подовкгивенского Натемъ Довейковичомъ (10 траўня 1585 году)^[7]; на земенина господарьского повету Упитского на Матея Авкгуштыновича Давейка… Матей Довейко (6 жніўня 1585 году)^[8]; панъ Станиславъ Довейко… Станиславъ Давейка (24 кастрычніка 1586 году)^[9]; пана Бальтромея Довейка (8 красавіка 1604 году)^[10]; Salomon Dowikiewicz (1690 год)^[11]; Andrzej Dowejka (1779 год)^[12]; Rafałem Doweyką pisarzem (23 красавіка 1788 году)^[13]; Jerzy Towieyko (13 лістапада 1792 году)^[14].

Носьбіты

• Давейка Марцінавіч — жыхар Жамойцкага староства, які ўпамінаецца ў 1537—1538 гадох^[15]
• Мацей Давейка — баярын Упіцкага павету, які ўпамінаецца ў попісе войска Вялікага Княства Літоўскага 1567 году
• Мацей Аўгуштынавіч Давейка — вількамірскі зямянін, які ўпамінаецца ў 1585 годзе^[16]
• Якуб Марцінавіч Давейка — упіцкі зямянін, які ўпамінаецца ў 1612 годзе^[17]
• Ян Давейка — дзяржаўны дзяяч Вялікага Княства Літоўскага, падчашы старадубскі ў 1676—1678 гадох^[18]

Давейкі (Dowejko) — прыгонныя зь вёскі Бандароў (Віленскі павет), якія ўпамінаюцца ў XIX стагодзьдзі^[19].

Дэвейкі (Dewejko) — літоўскі шляхецкі род зь Вільні^[20].

Давейкі гербу Прус II^[21] — літоўскі шляхецкі род^[22].

Давэйка (Doweyko) — прозьвішча, зафіксаванае ў XIX стагодзьдзі ў ваколіцах Сувалкаў^[23].