Кірыл Паўлючак

Кірыл Паўлючак (нарадзіўся 27 чэрвеня 1984 году, Горадня, БССР) — беларускі футбаліст, абаронца менскага «Аўтазаводца-Трактара».

Кірыл Паўлючак
Пэрсанальная інфармацыя
Нарадзіўся	27 чэрвеня 1984(1984-06-27)[1] (41 год) Горадня, БССР, СССР
Рост	195 см
Вага	90 кг[2]
Пазыцыя	абаронца
Клюбы
Гады	Клюб	Гульні (галы)¹
2001	Дынама Менск	10 (1)
2002	Дынама Менск	21 (0)
2003—2008	Дынама Менск	111 (9)
2008	Луч[d]	10 (0)
2009	Нёман Горадня	6 (0)
2010	Гомель	27 (9)
2011—2012	Менск	23 (3)
2012—2013	Дняпро Магілёў	37 (1)
2014	Зымбру	23 (2)
2015—2020	Гарадзея	144 (10)
2020—2021	Славія Мазыр	8 (1)
2021	Смаргонь	5 (0)
2022	Крумкачы	17 (2)
2023	Трактар[d]	15 (2)
Зборныя
2002	Беларусь (да 19)[d]	2 (0)
2005—2006	Беларусь (да 21)	8 (4)
2008	Беларусь	3 (0)

Кар’ера

Клюбная

Кірыл зьяўляецца выхаванцам СДЮШАР №6 гораду Горадні. У 2001 годзе выступаў за фарм-клюб, а ў 2002—2008 гады — за асноўную каманду менскага «Дынама». У час летняга трансфэрнага акна 2008 году папоўніў шэрагі клюбу расейскай прэм’ер-лігі «Луч-Энэргія». У складзе далёкаўсходнікаў правёў 10 гульняў, гуляючы як на пазыцыі абаронцы, гэтак і паўабаронцы. Па заканчэньні сэзону пакінуў клюб. У 2009 годзе вярнуўся на радзіму: быў падпісаны кантракт з гарадзенскім «Нёманам». У 2010 годзе гуляў у складзе «Гомлю», зь якім заваяваў малыя залатыя мэдалі Першай лігі Беларусі. Пасьля заканчэньня сэзону пакінуў клюб і падпісаў кантракт зь «Менскам». У жніўні 2012 году перайшоў у магілёўскі «Дняпро»^[3]. У лютым 2014 году падпісаў кантракт на адзін год з клюбам «Зымбру»^[4]. У лютым 2015 году падпісаў кантракт з «Гарадзеяй»^[5].

Дапамог «Гарадзеі» паводле вынікаў сэзону 2015 году прабіцца ў Найвышэйшую лігу. У сьнежні 2015 году падоўжыў кантракт з клюбам^[6]. У сэзонах 2016—2018 гадоў заставаўся асноўным гульцом гарадзейцаў, выступаючы на пазыцыі цэнтральнага абаронцы, толькі часам адсутнічаў праз траўмы. У лістападзе 2018 году падоўжыў кантракт з «Гарадзеяй» на сэзон 2019 году^[7]. У 2020 годзе стаў капітанам каманды.

У ліпені 2020 году паводле пагадненьня бакоў пакінуў «Гарадзею»^[8] і перайшоў у мазырскую «Славію»^[9]. Праз пашкоджаньні зрэдку зьяўляўся на полі ў складзе мазырчукоў. У ліпені 2021 году кантракт з клюбам быў скасаваны^[10]. У ліпені 2021 году далучыўся да «Смаргоні»^[11]. З пачатку 2022 году пачаў трэнавацца з «Крумкачамі» і ў красавіку афіцыйна стаў гульцом клюбу^[12]. Сэзон 2023 году пачаў у складзе менскага «Трактара».

У сьнежні 2023 году атрымаў трэнэрскую ліцэнзію катэгорыі B^[13].

Міжнародная

За нацыянальную зборную Беларусі правёў тры гульні, усе ў таварыскіх матчах.

Дасягненьні

Дынама Менск

• Чэмпіён Беларусі: 2004
• Срэбраны прызэр чэмпіянату Беларусі: 2005, 2006
• Бронзавы прызэр чэмпіянату Беларусі: 2003
• Уладальнік Кубка Беларусі: 2003

Зымбру Кішынёў

• Уладальнік Кубка Малдовы: 2014^[14]
• Уладальнік Супэркубка Малдовы: 2014^[15]

Статыстыка

Клюб	Сэзон	Чэмпіянат
		Дывізіён	Матчы	Галы
Гарадзея	2015	Першая ліга	28	0
	2016	Найвышэйшая ліга	27	4
	2017	Найвышэйшая ліга	20	4
	2018	Найвышэйшая ліга	28	0