Радасьць (Берасьцейская вобласьць)

Ра́дасьць^[2] — вёска ў Камянецкім раёне Берасьцейскай вобласьці, за 500 м на паўднёвы ўсход ад левага берагу ракі Лясная, і за 500 м на паўночны захад ад аўтадарогі Берасьце — Каменюкі (Р83), за 4,5 км на паўднёвы захад ад Камянцу, за 32 км на поўнач ад Берасьця, за 33 км на паўночны захад ад чыгуначнай станцыі Жабінка на лініі Берасьце — Баранавічы. Уваходзіць у Відамлянскі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Радасьць.

Радасьць
трансьліт. Radaść
Першыя згадкі:	18 стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Відамлянскі
Насельніцтва:	40 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225051[1]
Нумарны знак:	1
Геаграфічныя каардынаты:	52°22′23″ пн. ш. 23°46′52″ у. д.
Радасьць на мапе Беларусі ± Радасьць Радасьць

Гісторыя

• 1773: вёска паводле інвэнтару, ўладаньне М. Сьцярпінскай, дзейнічала крама.
• сярэдзіна XIX ст.: вёска ў складзе маёнтку Баршчэва ў Берасьцейскім павеце Гарадзенскай губэрні Расейскай імпэрыі, уласнасьць графоў Грабоўскіх.
• 1845: паводле інвэнтару маёнтку ў вёсцы 11 дзесяцінаў сядзібнай, 276 дзесяцінаў ворыўнай зямлі і 46 дзесяцінаў лугу.
• 2-я палова XIX ст.: сяло ў Камянец-Літоўскай воласьці таго ж павету і губэрні Расейскай імпэрыі.
• 1885: школа граматы.
• 1897: паводле перапісу ў складзе Радаснай сельскай грамады, народнае вучылішча, хлебазапасная крама. Дзейнічала царква, якой належала 51 дзесяціна зямлі, у тым ліку 19,5 дзесяціны ворыўнай зямлі, у парафію ўваходзілі 202 двары (1632 жыхары).
• 1905: 350 жыхароў, дзейнічала народнае вучылішча (54 вучні).
• 1921: у складзе Камянец-Літоўскай гміны Берасьцейскага павету Палескага ваяводзтва міжваеннай Польшчы.
• 1923: побач месьцілася калёнія Радасьць-Пагост, 1 двор, 9 жыхароў.
• 1924: адкрыта школа з польскай мовай навучаньня.
• 1939: у складзе Берасьцейскай вобласьці БССР.
• 1940: вёска ў Відамлянскім сельсавеце Камянецкага раёну Берасьцейскай вобласьці.
• 1948: у пачатковай школе 55 вучняў.
• 1949: арганізаваны калгас «Вялікая Радасьць», пазьней вёска ў калгасе «Кастрычнік».
• 1964: у Камянецкім сельсавеце.
• 1970: у калгасе імя Кірава.
• 1986: у Відамлянскім сельсавеце.

Насельніцтва

• XIX стагодзьдзе: 1845 год — 25 двароў, 199 сялянскіх душ; 1885 год — 30 двароў, 324 жыхары; 1897 год — 53 двары, 375 жыхароў
• XX стагодзьдзе: 1923 год — 32 двары, 153 жыхары; 1940 год — 71 двор, 389 жыхароў; 1960 год — 254 жыхары; 1970 год — 186 жыхароў; 1999 год — 67 жыхароў
• XXI стагодзьдзе: 2005 год — 58 жыхароў, 36 двароў^[3]; 2010 год — 40 жыхароў

Інфраструктура

У складзе ААТ «Відамлянскае». Працуе бібліятэка, крама. Дзейнічае фальклёрна-этнаграфічны калектыў «Радасьць». У навакольлі вёскі захаваўся курганны могільнік — помнік археалёгіі VIII—X стст.