Старынкі 2

Стары́нкі 2^[1] — вёска ў Мядзельскім раёне Менскай вобласьці Беларусі. Уваходзіць у склад Сваткаўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Старынкі.

Старынкі 2
трансьліт. Starynki 2
Краіна:	Беларусь
Вобласьць:	Менская
Раён:	Мядзельскі
Сельсавет:	Сваткаўскі
Насельніцтва:	15 чал. (2009)
Часавы пас:	UTC+3
Тэлефонны код:	+375 1797
Паштовы індэкс:	222384
Нумарны знак:	5
Геаграфічныя каардынаты:	54°43′24.6″ пн. ш. 27°1′54.8″ у. д.
Старынкі 2 на мапе Беларусі ± Старынкі 2 Старынкі 2

Гісторыя

Вядома з XVII стагоддзя. У 1652 годзе — сяло. З 1793 году ў Расейскай імпэрыі. У 1846 годзе — 18 двароў, 179 жыхароў, у складзе маёнтка Вузла Вялейскага павету, уладаньне графу Тызэнгаўза. У 1875 годзе ў вёсцы адкрыта школа граматы. Паводле перапісу 1897 года — 34 двары, 247 жыхароў. У 1904 годзе — вёска, 279 жыхароў і засьценак 44 жыхары.

У Першую сусьветную вайну пад нямецкай акупацыяй. У 1921—1939 гадах у складзе Польшчы, у складзе гміны Мядзел Пастаўскага павету Віленскага ваяводзтва. У 1921 годзе ў вёсцы 55 двароў і 302 жыхары^[2], у засценку 8 двароў і 59 жыхароў.

З верасьня 1939 году ў складзе БССР. З 12 кастрычніка 1940 году ў Сваткаўскім сельсавеце Мядзельскага раёну Вялейскай вобласьці. З 20 верасьня 1944 году ў Маладэчанскай вобласьці. У 1940 годзе 59 двароў, 309 жыхароў. Арганізаваны калгас імя Варашылава.

У Вялікую Айчынную вайну гітлераўцы спалілі 3 дамы і зьнішчылі 4 вяскоўцаў, яшчэ чатыры загінулі на партызанскім фронце.

У 1949 годзе ў вёсцы аднавілі калгас.

Насельніцтва

• 1921 год — 302 жыхары, 55 двароў^[2]
• 1931 год — 335 жыхароў, 58 двароў^[3]
• 1960 год — 276 чалавек
• 1970 год — 191 чалавек
• 1997 год — 35 гаспадарак, 54 жыхары
• 2009 год — 15 чалавек^[4]