Тарнаполь

Тарнапо́ль (па-польску: Tarnopol, на мясцовай беларускай гаворцы: Тарнапо́ль^[2], Тарнаполе^[3]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараўка.

Тарнаполь
польск. Tarnopol
Мясцовая назва:	Тарнаполь, Тарнаполе
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараўка
Насельніцтва:	119 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-220
Нумарны знак:	BHA
Геаграфічныя каардынаты:	52°53′0″ пн. ш. 23°50′0″ у. д.
Тарнаполь на мапе Польшчы Тарнаполь
Галерэя здымкаў у Вікісховішчы

Насельніцтва

Жыхары вёскі ў большасьці этнічныя беларусы, праваслаўныя (прыход Семяноўка^[4]). Каталіцкая частка насельніцтва (парафія Нараўка^[5]) па этнічных ідэнтыфікацыях — польская.

Гісторыя

Тарнаполь на старой карце.

Першыя пісьмовыя зьвесткі пра вёску зьвязаны зь Янам Валянцінам Вянгэрскім(pl), уладальнікам маёнтку ў суседняй Луцы. На месцы сёньняшняга Старога Двору ў канцы 18 ст. пабудаваў ён новую сядзібу, а ў Тарнопалі дадатковы дом. Калі галоўная сядзіба згарэла ў 1833 годзе, Тарнаполь стаў цэнтрам маёнтку. Ужо ў 1842 годзе ўладальнікам Тарнопаля быў Францішак Мянчынскі, але неўзабаве ўладала тут сямя Бялінскіх. Пабудавалі яны невялікі фальваркі ў Полымі, Мастках, Кругліку і Людвінаве (названым так у гонар Людвіка Бялінскага). Толькі ў 1907 годзе Бялінскія прадалі свой маёнтак у Тарнаполі і Луцы мясцовым мужыкам Пятру Буры і Міколе Рыгоравічу^[2]. У міжваенны пэрыяд Тарнаполь прыналежаў да гміны Тарнаполь (сядзіба гміны знаходзілася ў Луцы) Ваўкавыскага павету(be) Беластоцкага ваяводзтва. Паводле польскага перапісу насельніцтва 1921 г. пражывалі тут 36 жыхароў (24 беларускай нацыянальнасьці і 12 палякаў, пры чым 30 праваслаўных і толькі 6 каталікоў)^[6].

Ураджэнцы

• Уладзімер Гайдук — беларускі паэт.