Юўсічы

Ю́ўсічы^[2] — вёска ў Камянецкім раёне Берасьцейскай вобласьці, уваходзіць у Вярховіцкі сельсавет.

Юўсічы
трансьліт. Juŭsičy
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Вярховіцкі
Насельніцтва:	88 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225077[1]
СААТА:	1240826046
Нумарны знак:	1
Геаграфічныя каардынаты:	52°29′34″ пн. ш. 23°34′43″ у. д.
Юўсічы на мапе Беларусі ± Юўсічы Юўсічы

Месьціцца за 26 км на паўночны захад ад Камянцу, за 60 км на поўнач ад Берасьця, за 18 км на паўночны ўсход ад чыгуначнай станцыі Высока-Літоўск (лінія Берасьце — Беласток). Празь вёску праходзіць мясцовая аўтадарога Н-367 (Доўбізна — Падбур’е — Юўсічы).

Гісторыя

• 2-я палова XIX ст.: вёска ў Вярховіцкай воласьці Берасьцейскага павету Гарадзенскай губэрні Расейскай імпэрыі.
• 1897: паводле перапісу ў вёсцы 57 двароў, 388 жыхароў, дзейнічалі хлебазапасная крама і кузьня.
• 1905: 400 жыхароў.
• 1921: у выніку польска-савецкай вайны па Рыскай мірнай дамове ў складзе Польшчы, вёска ў Вярховіцкай гміне Берасьцейскага павету Палескага ваяводзтва.
• 1923: 38 двары, 163 жыхары.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: у Бушміцкім сельсавеце Кляшчэльскага раёну Берасьцейскай вобласьці, 420 жыхароў.
• 1941—1945: цягам 2-ой сусьветнай вайны на франтах загінулі і зьніклі бязь вестак 12 жыхароў вёскі.
• 1945: у Высокаўскім раёне.
• 1950: у вёсцы арганізаваны калгас «Сталінскі сьцяг».
• 1951: у складзе калгасу «Праўда».
• 1962: у Камянецкім раёне.
• 1968: у Каленкавіцкім сельсавеце.

23 чэрвеня 2011 году вёска перададзеная зь ліквідаванага Каленкавіцкага ў склад Вярховіцкага сельсавету^[3].

Насельніцтва

• XX стагодзьдзе: 1970 год — 300 жыхароў; 1999 год — 146 жыхароў
• XXI стагодзьдзе: 2005 год — 52 двары, 111 жыхароў; 2010 год — 88 жыхароў

Інфраструктура

У складзе ААТ «Каленкавічы».