Якш

Якш, Агша — мужчынскае імя і вытворнае ад яго прозьвішча.

Паходжаньне
Мова(-ы)	германскія
Утворанае ад	Akko + суфікс з элемэнтам -ш- (-sch-)
Іншыя формы
Варыянт(ы)	Агша
Зьвязаныя артыкулы
якія пачынаюцца з «Якш»

Паходжаньне

Асноўны артыкул: Імёны ліцьвінаў

Ага, Ака або Ека (Ago, Akko, Ekko) — імя германскага паходжаньня^[1]. Іменная аснова ег- (аг-, ек-) (імёны ліцьвінаў Ягвін, Ягінт, Ягоўд; германскія імёны Egwinus, Egind, Egold) паходзіць ад гоцкага agis 'страх' або agja 'вастрыё, меч'^[2].

У Ноўгарадзе адзначалася германска-славянскае імя Якша^[3], у Чэхіі — германскае імя Eysch^[4].

У Прусіі бытавала прозьвішча Jagusch^[5].

Варыянты імя ў гістарычных крыніцах: Пану Рагозе Якъшичу (1440—1492 гады)^[6]; Якшишъку (1525 год)^[7]; Якъшъ Милевич (1537—1538 гады)^[8]; людей Леловскихъ Войтку Якъшовичу (3 траўня 1587 году)^[9]; Krystyna Agsza (1826 год)^[10].

Носьбіты

• Якш Мілевіч — жыхар Жамойцкага староства, які ўпамінаецца ў 1537—1538 гадох
• Мацей Янавіч Якшэвіч — расенскі зямянін, які ўпамінаецца ў 1598 годзе^[11]

У XVI ст. існавалі грунт і зямля Якшышкі (Якшишки) у Жамойцкім старостве^[12]. У 1598 годзе ўпамінаўся маёнтак Якшавічы (Якшевичи) каля Тандзяголы^[11].