Гемаро́й (па-грэцку: αἷμα + ῥεῖν — «кроў» + «цекчы»; народная назва — пачачуй[1]) — захворваньне, зьвязанае з трамбозам, запаленьнем, паталягічным пашырэньнем і зьвітасьцю гемараідальных вэнаў, якія ўтвараюць вузлы вакол прамой кішкі. Суправаджацца ўзьнікненьнем такіх хваробаў, як вострая і хранічная анальная трэшчына, рэктальны сьвішч, гнайнікі вакол прамой кішкі і нетрыманьне газаў. Ускладненьні хваробы выклікаюць ацёк(en) анальнай адтуліны, гнойны парапрактыт(en) і амярцьвеньне(en) тканак гемараідальнага вузла. Да 40-гадовага ўзросту сустракаецца ў кожнага другога чалавека[2].
Папярэджаньне
Узьнікненьне хваробы прадухіляе:
- штодзённае піцьцё 2 літраў вадкасьці;
- ужыцьцё кашаў, сьвежай і багатай на абалоніну гародніны (буракі(be), гарбузы(en) і кабачкі(en)) і садавіны (бананы, марэлі і чарнасьліў(en)), таксама жытняга і пшанічнага вотруб’я(en), марской капусты(be) і насеньня лёну;
- уніканьне ўжыцьця сьпіртовых і газаваных напояў, вострай і салёнай ежы;
- прыём шклянкі высокамінэралізаванай вады(be) тройчы на дзень;
- уніканьне выкарыстаньня слабільнага сродка(en) і клізмы(en);
- пазьбяганьне пад’ёму цяжараў;
- штодзённае выкананьне 20 практыкаваньняў для брушнога прэса, ног(en) і крумянкоў;
- частыя перапынкі пры кіраваньні самаходам;
- апаражненьне(en) кішачніка толькі пры адчуваньні позыва;
- уніканьне лішняй вагі.
Чыньнікі
Разьвіцьцю хваробы спрыяе маларухомы лад жыцьця(en), працяглая праца ў сядзячым(en) і стаячым(en) становішчы, пад’ём цяжараў, прыём вострай і тлустай ежы з алькаголем, запор(en) і панос.
Праявы
Хвароба напачатку выяўляецца пра смыленьне, сьверб, паколваньне і расьпіраньне ў вобласьці задняга праходу пры спаражненьні. Вакол ануса ўтвараецца балючае зацьвярдзеньне ў выглядзе спляценьня пашыраных крывяных сасудаў. З часам боль пачынае ўзьнікаць пры кашлі і руху цела(en), што замінае стаяць, хадзіць і сядзець. Затым падчас спаражненьня зьяўляецца крывацёк(en), што выклікае малакроўе і слабасьць[3].
Глядзіце таксама
Крыніцы
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
