Ігнацій Іванавіч Карпеза

У Вікіпедыі ёсць артыкулы пра іншых людзей з прозвішчам Карпеза.

Ігнацій Іванавіч Карпеза (нар. 25 лістапада 1898, в. Кульгаёўка, Глыбоцкі раён, Віцебская вобласць — 27 верасня 1987, Кіеў) — ваенны дзеяч, генерал-лейтэнант (1946).

Ігнацій Іванавіч Карпеза
Дата нараджэння	25 лістапада 1898(1898-11-25)
Месца нараджэння	Дзісенскі павет, Віленская губерня, Расійская імперыя
Дата смерці	27 верасня 1987(1987-09-27) (88 гадоў)
Месца смерці	Кіеў, УССР, СССР
Месца пахавання	Лук’янаўскія могілкі[d]
Альма-матар	Ваенная акадэмія імя М. В. Фрунзэ
Грамадзянства	СССР
Прыналежнасць	СССР
Званне	генерал-лейтэнант
Камандаваў	15-ы механізаваны корпус[d]
Бітвы/войны	Першая сусветная вайна Вялікая Айчынная вайна
Узнагароды і званні

Біяграфія

У арміі з 1915 года, у Чырвонай Арміі з 1918 года. Удзельнік грамадзянскай вайны. Скончыў ваенную акадэмію імя Фрунзэ (1936). З 1936 года памочнік камандзіра, камандзір дывізіі, начальнік ваеннага вучылішча, камандзір корпуса.

На фронце з чэрвеня 1941 года. Камандуючы 15-га механізаванага корпуса, удзельнічаў у танкавай бітве пад Дубна, пад Луцкам і Роўна.

Пасля вайны намеснік камандуючага Кіеўскай ваеннай акругі.

У 1959 годзе звольніўся ў запас. Жыў у Кіеве.

Узнагароды

За баявыя заслугі генерал-лейтэнант І. І. Карпеза ўзнагароджаны 2 ордэнамі Леніна, 4 ордэнамі Чырвонага Сцяга і медалямі.

Літаратура

• Васілега, Г. Генерал з Кульгаёўкі / Г. Васілега // Памяць: гісторыка-дакументальная хроніка Глыбоцкага раёна / рэдкал.: Б. І. Сачанка [і інш.]; мастак А. М. Хількевіч. — Мінск : БелЭн імя П. Броўкі, 1995. — С. 266—267.
• Карпеза Ігнацій Іванавіч // Энцыклапедыя гісторыі Беларусі : у 6 т. / рэдкал.: Г. П. Пашкоў [і інш.]. — Мінск : БелЭн імя П. Броўкі, 1997. — Т. 4 : Кадэты-Ляшчэня. — С. 125.