Гарошак пацеркападобны

Гаро́шак пацеркападобны^[1], французская чачавіца^[1] (Vicia ervilia) — кветкавая расліна роду Гарошак (Vicia) сямейства Бабовыя (Fabaceae).

Гарошак пацеркападобны
Батанічная ілюстрацыя Якаба Штурма з кнігі «Deutschlands Flora in Abbildungen», 1796
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Гарошак Від:  Гарошак пацеркападобны
Міжнародная навуковая назва
Vicia ervilia (L.) Willd., 1802
Сінонімы
Ervilia sativa Link Ervum ervilia L. Lens pygmaea Grossh.
Сістэматыка на Віківідах Выявы на Вікісховішчы ITIS   505682 NCBI   154498 EOL   703201 GRIN   t:41481 IPNI   524727-1 TPL   ild-7810

Батанічнае апісанне

Аднагадовая травяністая расліна. Сцябло прамастойнае або прыўзнятае, галінастае, даўжынёй 20—50 сантыметраў. Лісце чаргуецца па даўжыні сцябла, з вусікам і складаецца з 8—12 пар лісткоў. Лісткі суцэльныя, з гладкім краем, апушаныя. Кветкі з пяццю^[2] пялёсткамі, бледна-ружовыя або блакітнаватыя, у гронках. Плод — паніклы, падоўжаны, 3—4 насенны струк, пацеркападобна перацягнуты паміж насеннем.

Распаўсюджанне і экалогія

Расліна паходзіць з Каўказа^[1]. Распаўсюджана у краінах Паўночнай Афрыкі (Алжыр, Егіпет, Лівія), на Мадэйры і Канарскіх астравах, у Еўропе і ўмераных абласцях Азіі^[3]. Распаўсюдзілася ў іншых рэгіёнах свету^[3].

Засухаўстойлівая і непатрабавальная да якасці глебы расліна. Расце як пустазелле ў пасевах збожжавых, радзей па смеццевых месцах, а таксама па сухім камяністым схілах, у лясах і на вапняках, у перадгор’ях, ніжнім і сярэднім паясах гор^[4].

Ахоўваецца ў Рэспубліцы Крым, Севастопалі^[2][5].

Гаспадарчае значэнне

Расліна перспектыўная ў якасці ўраджайнай зернефуражнай бабовай культуры, асабліва для свінагадоўчых і птушкагадоўчых гаспадарак^[4]. У сене маецца да 16,6 % пратэіну^[1].

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
2. Горошек чёткообразный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. U.S. National Plant Germplasm System (англ.)
4. Агроэкологический атлас России и сопредельных стран: экономически значимые растения, их болезни, вредители и сорные растения (руск.)
5. Vicia ervilia (L.) Willd. // ИАС «ООПТ России» (руск.)