Дзяніс Віктаравіч Гружэўскі

У Вікіпедыі ёсць артыкулы пра іншых людзей з прозвішчам Гружэўскі.

Дзяніс Гружэўскі (нар. 10 сакавіка 2000, Смаргонь) — беларускі футбаліст, абаронца салігорскага «Шахцёра».

Дзяніс Гружэўскі
Поўнае імя	Дзяніс Віктаравіч Гружэўскі
Нарадзіўся	10 сакавіка 2000(2000-03-10)[1] (25 гадоў) Смаргонь, Смаргонскі раён, Гродзенская вобласць, Беларусь[1]
Грамадзянства	Беларусь
Рост	185 см[2]
Пазіцыя	абаронца
Інфармацыя пра клуб
Клуб	Шахцёр
Нумар	12
Маладзёжныя клубы
2014—2015 Нёман (Гродна) 2015—2017 РДВАР (Мінск) 2017—2018 Мінск
Клубная кар’ера[* 1]
2018—2020 Мінск 0 (0) 2019 →  Смаргонь 25 (2) 2020 →  Спадарожнік (Рэчыца) 24 (2) 2021 Тарпеда-БелАЗ (Жодзіна) 13 (2) 2022— Шахцёр (Салігорск)
Нацыянальная зборная[* 2]
2016—2017 Беларусь (да 17) 4 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 28 студзеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 4 мая 2021

Клубная кар’ера

Выхаванец смаргонскай ДЮСШ, на юнацкім узроўні гуляў за гродзенскі «Нёман» і Акадэмію АБФФ, у 2017 годзе далучыўся да «Мінска», дзе на наступны год стаў выступаць за дубль, гуляў таксама ў Юнацкай лізе УЕФА. У лютым 2019 года перайшоў у «Смаргонь»^[3], дзе стаў іграком стартавага складу.

У лютым 2020 года стаў іграком рэчыцкага «Спадарожніка»^[4], дзе таксама замацаваўся ў аснове, дапамог камандзе выйсці ў Вышэйшую лігу. Пакінуў каманду ў снежні 2020 года^[5]. У студзені 2021 года пасля прагляду падпісаў кантракт з жодзінскім «Тарпеда-БелАЗ»^[6]. Дэбютаваў у Вышэйшай лізе 25 красавіка 2021 года, выйшаўшы на замену ў канцы сустрэчы з «Гомелем» (1:1). У далейшым часам з’яляўся ў стартавым складзе жодзінцаў, але часцей заставаўся на лаўцы запасных.

У студзені 2022 года перайшоў у салігорскі «Шахцёр», падпісаўшы трохгадовы кантракт^[7].

Міжнародная кар’ера

У кастрычніку 2016 года гуляў за юнацкую зборную Беларусі (да 17 гадоў) у кваліфікацыйным, а ў сакавіку 2017 года ў элітным раўндах чэмпіянату Еўропы.

У кастрычніку 2018 года быў у складзе юніёрскай зборную Беларусі (да 19 гадоў) на кваліфікацыйным раўндзе чэмпіянату Еўропы, аднак на поле не выхадзіў.

Дасягненні

• Уладальнік Суперкубка Беларусі: 2023
• Пераможца Першай лігі чэмпіянату Беларусі: 2020

Статыстыка выступленняў

Сезон	Дывізіён	Клуб	Краіна	Матчы	Галы
2018	дубль	Мінск		12	1
2019	Д2	Смаргонь		25	2
2020	Д2	Спадарожнік		24	2
2021	Д1	Тарпеда-БелАЗ		13	2