Каласоўнік бясплодны

Каласоўнік бясплодны^[1][2] (Bromus sterilis) — від аднадольных раслін роду каласоўнік (Bromus) сямейства метлюжковыя (Poaceae). Від упершыню апісаны шведскім сістэматыкам Карлам Лінеем у 1753 годзе^[3].

Каласоўнік бясплодны
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Род:  Каласоўнік Секцыя:  Genea Від:  Каласоўнік бясплодны
Міжнародная навуковая назва
Bromus sterilis L., 1753
Сістэматыка на Віківідах Выявы на Вікісховішчы ITIS   40522 NCBI   55777 EOL   1114247 IPNI   332081-2 TPL   kew-402009

У некаторых крыніцах расліну разглядаюць як прадстаўніка роду Anisantha, апісваючы яго пад назвай Anisantha sterilis^[2]. Адзначаюцца прыкметныя адрозненні ў будове каласоўніка бясплоднага ад іншых прадстаўнікоў роду Каласоўнік^[4].

Батанічная ілюстрацыя



A. Bromus sterilis



B. Bromus tectorum

Апісанне

Аднагадовая або двухгадовая травяністая расліна вышынёй 30-80 см^[4]. Лістаразмяшчэнне чарговае. Лісце простае, з гладкім краем, ланцэтнай альбо лінейнай формы. Суквецце — колас, нясе кветкі памерам менш за 1 см. Плод — зярняўка жоўтага колеру^[2].

Распаўсюджанне

Сустракаецца ў Азіі (Афганістан, Арменія, Азербайджан, Грузія, Іран, Ірак, Ізраіль, Іарданія, Ліван, Сірыя, Турцыя, Туркменія, Узбекістан), Афрыцы (Алжыр, Егіпет, Лівія, Марока, Туніс) і Еўропе (Албанія, Аўстрыя, Бельгія, Балгарыя, Кіпр, Чэхія, Данія, Францыя, Германія, Грэцыя, Венгрыя, Ірландыя, Італія, Нідэрланды, Нарвегія, Польшча, Партугалія, Румынія, Расія, Іспанія, Швецыя, Швейцарыя, Вялікабрытанія, Украіна, краіны былой Югаславіі). Быў таксама занесены ў Фінляндыю, ЗША, Аўстралію, Новую Зеландыю^[4]. Апісаны з мясцовасці ў графстве Сурэй (Вялікабрытанія)^[5].

Значэнне

Інвазіўны від. Вядомы як злосная пустазельная расліна (засмечвальнік). Канкуруе з шэрагам важных сельскагаспадарчых культур, такімі як буракі, нут, сланечнік, ячмень, сачавіца, пшаніца, конскія бабы. Да ўсяго іншага, паглынанне расліны жывёламі негатыўна адбіваецца на іх здароўі^[4].

Сінонімы

Сярод шматлікіх сінанімічных назваў таксона^[3]:

• Anisantha sterilis (L.) Nevski
• Zerna sterilis (L.) Panz.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 26. — 160 с. — 2 350 экз.
2. Каласоўнік бясплодны: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. Bromus sterilis L. — The Plant List
4. Bromus sterilis
5. IPNI Plant Name Details