Клаўдзія Кардынале

У Вікіпедыі ёсць артыкулы пра іншых людзей з прозвішчам Кардынале.

Клаўдзія Кардынале^[6] (італ.: Claudia Cardinale; імя пры нараджэнні — Клод Жазефіна Роз Кардынале італ.: Claude Josephine Rose Cardinale); 15 красавіка 1938(1938-04-15)^[1][2][…], Хальк-эль-Уэд, вілает Туніс — 23 верасня 2025(2025-09-23)^[3][4], Немур, Метраполія Францыі^[5][4]) — італьянская актрыса.

Клаўдзія Кардынале
Claudia Cardinale
Імя пры нараджэнні	Claude Joséphine Rose Cardinale
Дата нараджэння	15 красавіка 1938(1938-04-15)[1][2][…]
Месца нараджэння	Хальк-эль-Уэд, delegation of La Goulette[d], вілает Туніс, Туніс
Дата смерці	23 верасня 2025(2025-09-23)[3][4] (87 гадоў)
Месца смерці	Немур, arrondissement of Fontainebleau[d], дэпартамент Сена і Марна, рэгіён Іль-дэ-Франс, Метраполія Францыі, Францыя[5][4]
Грамадзянства	Італія
Муж	Франка Крыстальдзі
Адукацыя	CSC[d]
Прафесія	кінаактрыса, актрыса, тэатральная актрыса
Кар’ера	1957— цяперашні час
Кірунак	вестэрн
Узнагароды	камандор ордэна «За заслугі перад Італьянскай Рэспублікай»[d] (2 чэрвеня 1995) прэмія Штайгер[d] прэмія «Давід дзі Данатэла» за жыццёвыя дасягненні[d] (1997) Golden Orange Best Actress Award[d] Ганаровы Залаты мядзведзь (2002) David di Donatello for Best Actress[d] Flaiano Prize[d] Nastro d'Argento for Best Actress[d] (1985) Nastro d'Argento for Best Supporting Actress[d] Залаты леў за кар’еру[d] (1993) Nastro d'Argento for Best Actress[d] (1965) Залаты арол[d] (2011)
IMDb	0001012
official-claudiacardinale.com/…
Медыяфайлы на Вікісховішчы

Біяграфія

Нарадзілася 15 красавіка 1938 года ў Ла-Гулет (Туніс).

У 1957 годзе была прызнана самай прыгожай італьянкай Туніса і атрымала запрашэнне на Венецыянскі кінафестываль, дзе яе заўважыў прадзюсар Франка Крыстальдзі і прапанаваў доўгатэрміновы кантракт са сваёй прадзюсарскай кампаніяй «Vides». У 1958 годзе дэбютавала ў фільме Марыа Манічэлі «Звычайныя незнаёмцы», дзе сыграла ролю простай дзяўчынкі з Сіцыліі. У 1965 годзе Кардынале атрымала прэмію «Срэбная стужка» за найлепшую жаночую ролю ў фільме Луіджы Каменчыні «Нявеста Бубэ». Знялася ў звыш 120 кінакарцінах і серыялах. Яе партнёрамі на здымачнай пляцоўцы былі Марчэла Мастраяні, Генры Фонда, Марлан Бранда, Ален Дэлон, Джэрэмі Айранс і Берт Ланкастэр.Здымалася ў фільмах італьянскіх рэжысёраў Лукіна Вісконці і Федэрыка Феліні.

Другм раз была замужам за Паскуале Скуіцьеры.

З канца 1980-х жыла ў Парыжы. Напісала ў суаўтарстве і ў 2006 годзе выдала кнігу «Le stelle della mia vita» («Зоркі майго жыцця»). З сакавіка 2000 года з’яўлялася Паслом Добрай волі ЮНЕСКА па правах жанчын. Валодала французскай, італьянскай, іспанскай, англійскай і арабскай мовамі.

Памерла 23 верасня 2025 года.

Фільмаграфія

• 1960 — «Рока і яго браты» — Джынета, жонка Вінчэнца
• 1962 — «Картуш» — Венера
• 1962 — «Леапард» — Анджэліка Седара
• 1963 — «Восем з паловай» — Клаўдзія
• 1966 — «Прафесіяналы» — місіс Марыя Грант
• 1968 — «Аднойчы на Дзікім Захадзе» — Джыл Макбэйн
• 1968 — «Дзень савы» — Роза Нікалозі
• 1981 — «Саламандра» — Алена Лепарэла
• 1991 — «Майрык» — Майрык
• 2012 — «Мастак і яго мадэль» — Леа