Падбярэззе (Літва)

У паняцця ёсць і іншыя значэнні, гл. Падбярэззе.

Падбярэззе, часам Пабя́ржэ^[1] (літ.: Paberžė) — вёска ў Віленскім раёне Віленскага павета Літвы. Цэнтр Пабярэззеўскай сянюніі. Размешчана на рацэ Мусе^[ru], на поўнач ад Вільні.

Вёска
Падбярэззе
літ.: Paberžė
Касцёл
Герб
54°56′50″ пн. ш. 25°14′20″ у. д.HGЯO
Краіна	Літва
Павет	Віленскі
Раён	Віленскі
Сянюнія	Падбярэззеўская
Гісторыя і геаграфія
Заснаваны	1484
Першае згадванне	1484
Часавы пояс	UTC+2, летам UTC+3
Насельніцтва
Насельніцтва	919 чал. (2011)
Лічбавыя ідэнтыфікатары
Паштовы індэкс	LT-14031
Паказаць/схаваць карты
Падбярэззе
Медыяфайлы на Вікісховішчы

Гісторыя

Вялікае Княства Літоўскае

Першы пісьмовы ўспамін пра Падбярэззе датуецца 1484 годам, калі яно ўваходзіла ў склад Віленскага павета Віленскага ваяводства. У 1503 годзе тут збудавалі касцёл.

У XVI ст. Падбярэззе ўпамінаецца як мястэчка, якое знаходзілася ў валоданні віленскіх біскупаў.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Падбярэззе апынулася ў складзе Расійскай імперыі, у Віленскім павеце Віленскай губерні.

Каля 1887 года ў Падбярэззі было 67 будынкаў. У 1900 годзе тут збудавалі царкву-мураўёўку.

За часамі Першай сусветнай вайны з 1915 года тэрыторыя акупаваная войскамі Германскай імперыі.

Найноўшы час

25 сакавіка 1918 года згодна з Трэцяй Устаўной граматай тэрыторыя абвешчана часткай Беларускай Народнай Рэспублікі^[2]. У пачатку 1919 года тэрыторыя занята Чырвонай Арміяй^[3]. З 27 лютага 1919 года — у ЛітБел ССР, у канцы сакавіка занята польскімі войскамі.

У 1920 годзе Падбярэззе апынуліся ў Сярэдняй Літве, з 1922 года ў складзе Польшчы. У беларускай гістарыяграфіі землі вядомыя як Заходняя Беларусь.

У другой палове верасня 1939 года Падбярэззе занята Чырвонай Арміяй, 10 кастрычніка 1939 года паводле дагавора з СССР тэрыторыя Віленскай вобласці перададзена Літве. З 1940 года ў Літоўскай ССР.

У Другую сусветную вайну з чэрвеня 1941 года да ліпеня 1944 года пад акупацыяй Германіі.

З 1990 года ў складзе адноўленай незалежнай Літвы.

Насельніцтва

• XIX стагоддзе: ~1887 год — 1119 чал., з іх 432 каталікі, 129 праваслаўных і 558 іўдзеяў^[4]
• XXI стагоддзе: 2011 год — 919 чал.

Славутасці

• Касцёл Найсвяцейшага Сэрца Ісуса (1932)
• Могілкі іўдзейскія

Страчаная спадчына

• Царква (1900; мураўёўка)

Вядомыя асобы

• Генрых Юр’евіч Грыгоніс (1889—1955) — беларускі акцёр тэатра і кіно, Народны артыст Беларусі (1941).