Пралетарская (станцыя метро, Мінск)

У паняцця ёсць і іншыя значэнні, гл. Пралетарская.

Пралетарская (трансліт.: Pralietarskaja) — станцыя Аўтазаводской лініі Мінскага метрапалітэна, размешчана паміж станцыямі «Першамайская» і «Трактарны завод». Адкрыта 31 снежня 1990 года у складзе першага ўчастку Аўтазаводской лініі, які ўключаў пяць станцый. Пабудавана па праекце архітэктараў Л. Пагарэлава, Л. Кустовай, А. Вішнеўскага і пры ўдзеле скульптара М. Рыжанкова^[1].

«Пралетарская» руск.: Пролетарская
Аўтазаводская лінія (Мінск)
Мінскі метрапалітэн
Дата адкрыцця	31 снежня 1990
Праектная назва	Мінск-Усходні
Раён	Ленінскі
Тып	калонная трохпралётная дробнага залажэння
Колькасць платформаў	1
Тып платформы	астраўная
Форма платформы	прамая
Архітэктары	Леў Мікалаевіч Пагарэлаў, Ларыса Аляксандраўна Кустова і А. Вішнеўскі[d]
Мастакі	Мікалай Аляксеевіч Рыжанкоў
Выхад да вуліц	вуліца Судмаліса, вуліца Серафімавіча
Пераходы на станцыі	Мінск-Усходні
Наземны транспарт	А: 14, 18, 26, 26д, 37, 39, 57
Час адкрыцця	5:35
Час закрыцця	2:00
Транспартная зона	МТС, А1, life:)
Код станцыі	214
Суседнія станцыі	Першамайская і Трактарны завод
Медыяфайлы на Вікісховішчы

Аўтазаводская лінія
умоўныя абазначэнні
Красны Бор Каменная горка Кунцаўшчына Спартыўная Пушкінская Маладзёжная Фрунзенская Няміга Купалаўская Першамайская Пралетарская Трактарны завод Партызанская Аўтазаводская Магілёўская ЦЧ-2 «Магілёўскае» Шабаны

Канструкцыя

Калонная станцыя дробнага залажэння, трохпралётная, з двума вестыбюлямі (эксплуатуецца толькі заходні). У канцы платформы размешчана скульптура рабочага на фоне горада, створаная М. Рыжанковым.

За дэкаратыўнай сцяной і скульптурай маюцца маленькія дзверы, якія служыць уваходам ва ўсходні вестыбюль. З моманту адкрыцця станцыі ў 1990 годзе ён ніколі не эксплуатаваўся. Ступень яго гатовасці складае 80 %: маецца ўнутраная абліцоўка сцен, зачыны пад касавыя і службовыя памяшканні, а таксама пераход з вестыбюля. Аднак выхадам на паверхню з’яўляецца вузкая лесвіца. Выхад з усходняга вестыбюля размешчаны ў двары дома № 5 па вуліцы Судмаліса і ўяўляе сабой асобна стаячы аб’ект тыпу «спуск у сховішча».

Ва ўмовах мясцовай шчыльнай забудовы пяціпавярховымі дамамі і вузкай праезнай часткі вуліцы Судмаліса, а таксама з прычыны адсутнасці паблізу аб’ектаў сацыя-культурнага ці гандлёвага прызначэння выхад не можа эксплуатавацца.

Выхады

«Пралетарская» размешчана каля лукавіны Свіслачы, побач з чыгуначнай станцыяй «Мінск-Усходні». На станцыі маюцца выхады на вуліцы Судмаліса і Смаленскую, а таксама на абедзве платформы «Мінска-Усходняга».

Фотагалерэя

• 
  Панарама станцыі
• 
• 
  Пасадачная платформа
• 
  Назва на пуцявой сцяне
• 
  Скульптура рабочага
• 
• 

Зноскі

1. Мінскі метрапалітэн // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.