Сярэя

Сярэя^[1], таксама Сейры́яй^[2] (літ.: Seirijai) — мястэчка ў Лаздзейскім раёне Аліцкага павета Літвы. Цэнтр Сярэйскай сянюніі. Месціцца за 20 км на ўсход ад Лаздзеі.

Мястэчка Сярэя літ.: Seirijai Герб Касцёл Краіна  Літва Павет Аліцкі Раён Лаздзейскі Сянюнія Сярэйская Каардынаты 54°13′50″ пн. ш. 23°48′50″ у. д.HGЯO Першая згадка 1383 Вышыня цэнтра 140 м Насельніцтва ▼679 чал. (2021) Часавы пояс UTC+2, летам UTC+3 Паштовыя індэксы LT-67010 Сярэя на карце Літвы

Медыяфайлы на Вікісховішчы

Гісторыя

Вялікае Княства Літоўскае

Упершыню Сярэя ўпамінаецца ў XVI ст. У гэты час яна ўваходзіла ў склад Троцкага павета Троцкага ваяводства.

У 1537 годзе ў Сярэі пабудавалі кальвінскі збор.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Сярэя апынулася ў складзе Прусіі, у 1807 годзе згодна з Тыльзіцкім мірным дагаворам — у складзе Герцагства Варшаўскага, з 1815 года ў Царстве Польскім, залежным ад Расійскай імперыі, у Сейненскім павеце Сувалкаўскай губерні.

Станам на 1827 год у Сярэі 279 будынкаў, на 1880 год — 215.

За часамі Першай сусветнай вайны ў 1915 годзе Сярэю занялі войскі Германскай імперыі.

Найноўшы час

Пасля польска-літоўскіх баёў і падпісання пагаднення паміж Польшчай і Літвой у 1919 годзе Сярэя апынулася ў складзе Літвы. З 1940 года ў Літоўскай ССР. У часы Другой сусветнай вайны з чэрвеня 1941 да 1944 года мястэчка было пад акупацыяй Германіі.

З 1990 года ў складзе адноўленай незалежнай Літвы.

Насельніцтва

• XIX стагоддзе: 1827 год — 1909 чал.; 1880 год — 1094 чал.^[3]
• XXI стагоддзе: 2011 год — 788 чал.

Славутасці

• Касцёл Маці Божай Шкаплернай (1584)

Страчаная спадчына

• Сінагога (XIX ст.)

Вядомыя асобы

• Антанас Жмуйдзінавічус (1876—1996) — літоўскі мастак-жывапісец.
• Якаў Робінсан^[ru] (1889—1977) — юрыст, спецыяліст па міжнародным праве, публіцыст.
• Бронюс Казіс Балуціс^[lt] (1880—1967) — літоўскі дыпламат.