Уладзімір Іванавіч Акулаў

Уладзімір Іванавіч Акулаў (нар. 23 красавіка 1954, Баранавічы, БССР, СССР) — сучасны беларускі мастак-авангардыст, прадстаўнік другой хвалі беларускага авангарду.

Уладзімір Іванавіч Акулаў
Дата нараджэння	23 красавіка 1954(1954-04-23) (71 год)
Месца нараджэння	Баранавічы, Брэсцкая вобласць, Беларуская ССР, СССР
Грамадзянства	Беларусь
Род дзейнасці	мастак
Жанр	партрэт, пейзаж, нацюрморт, сюжэтна-тэматычная карціна
Вучоба	мастацка-графічны факультэт ВДУ (1980) Школа № 2 (Слуцк)
Мастацкі кірунак	авангардызм
Вядомыя працы	цыклы: «Генералы» «Маскі і вобразы» «Партрэт і аўтапартрэт» «Царквы і кляштары» «Эрас и Танатас» «Славутыя яўрэі» «100 алігархаў Forbes» «Месцы і людзі Беларусі» «Анімалістычны цыкл» «Футбалісты»
Заступнікі	Яўген Ксяневіч, Аляксандр Іваноў
Уплыў	Уладзімір Садзін
Подпіс
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Акулаў.

Біяграфія

Нарадзіўся 23 красавіка ў горадзе Баранавічы. Займаўся ў Слуцку ў студыі выяўленчага мастацтва Гарадскога дома піянераў і школьнікаў у выкладчыка Уладзіміра Садзіна. Скончыў школу № 2 г. Слуцка.

Творчае амплуа мастака пачало фарміравацца ў час вучобы на мастацка-графічным факультэце Віцебскага педагагічнага інстытута (1976—1980). Асаблівы ўплыў у віцебскі перыяд на Акулава аказаў мастак і педагог Алег Рыгоравіч Арлоў^[1] (1934—1995). Пазней стажыраваўся ў майстэрнях у Ленінградзе. Уваходзіў у мінскі арт-гурток «Галіна». Працаваў выкладчыкам выяўленчага мастацтва, дырэктарам Дома культуры ў вёсцы, вулічным мастаком, мастаком-афарміцелем у розных арганізацыях Беларусі і Расіі.

З 1985 ажыццяўляе выставачную дзейнасць.

Творчасць

Майстар партрэта, пейзажа, нацюрморта, кампазіцый з сімволікай-алегарычнымі сюжэтамі, ілюстрацый да літаратурных твораў.

З'яўляецца аўтарам шэрагу маштабных тэматычных цыклаў — «Маскі і вобразы», "Партрэт і аўтапартрэт", «Цэрквы і манастыры», «Вайна», «Генералы», «Вялікія людзі», «Усход», «Эрас і Танатас», «Нацюрморты», «Кветкі», «Самавары», «Славутыя яўрэі», «100 алігархаў Forbes», «Анімалістычны цыкл», «Месцы і людзі Беларусі», «Футбалісты» і інш.

Выканаў цыклы ілюстрацый да класічных творах сусветнай літаратуры — «Дон Кіхот» Сервантэса, «Мёртвыя душы» Гогаля і інш. Аформіў альбомы песень Яўгенія Антонавіча Ксяневіча «Лёт лебединый», «Имя твоё».

Аўтар вершаў.

Творы Уладзіміра Акулава захоўваюцца ў розных арт-інстытуцыях і прыватных зборах, сярод якіх:

• Музей сучаснага выяўленчага мастацтва, Мінск
• Музей сучаснага рускага мастацтва, Нью-Джэрсі, ЗША
• Музей Палацава-паркавага ансамбля Румянцавых — Паскевічаў, Гомель
• Слуцкая галерэя мастацтваў
• Прыватныя калекцыі ў Беларусі, Расіі, Бельгіі, Польшчы, Германіі, Югаславіі, Італіі, Украіне.
• Калекцыі Аляксандра Іванова (Мінск), Андрэя Плясанава (Мінск), Яўгена Ксяневіча (Мінск), Алеся Эроціча (Берлін), Андрэя Козырава^[ru] (Масква), Валерыя Жыльцова (Нью-Джэрсі, ЗША), Аляксандра Глезера (ЗША), Аляксандра Радаева (Мінск).

Персанальныя выстаўкі

• 2019 (01 — 15 красавіка) — персанальная выстаўка да 65-годдзя мастака, мастацкая галерэя «Універсітэт культуры», Мінск^[2]
• 2016 — персанальная выстава «Вітражы часу», Віцебскі абласны краязнаўчы музей, Віцебскі мастацкі музей, Віцебск, Рэспубліка Беларусь.
• 2014 — персанальная юбілейная выстаўка да 60-годдзя, Нацыянальная бібліятэка Беларусі, Мінск
• 2013 — персанальная выстаўка «Мастацтва без хлусні», музей «Садовае кальцо», Масква
• 2013 — персанальная выстаўка «Месцазнаходжанне», Музей сучаснага выяўленчага мастацтва, Мінск
• 2012 — персанальная выстаўка, Галерэя мастацтваў, Слуцк
• 2012 — персанальная выстаўка, музей Палацава-паркавага ансамбля Румянцавых — Паскевічаў, Гомель
• 2000 — персанальная выстаўка, Ватэрлоа, Бельгія
• 1995 — персанальная выстаўка мастака, Галерэя «Жыльбел», Мінск
• 1993 — персанальная выстаўка, мастацкі цэнтр «Zhilbel», Мінск
• 1988 — персанальная выстаўка, слуцкая гарадская бібліятэка, Слуцк, БССР

Адкрыццё выстаўкі «Месцазнаходжанне», Музей сучаснага выяўленчага мастацтва, Мінск, 30 ліпеня 2013 года^[3]

• 
  Уступнае слова мастацтвазнаўцы Ларысы Фінкельштэйн
• 
  Уступнае слова мастацтвазнаўцы Вольгі Архіпавай
• 
  Уступнае слова калекцыянера Аляксандра Іванова

Адкрыццё персанальнай выставы Уладзіміра Акулава да 60-годдзя мастака, Нацыянальная бібліятэка Беларусі, Мінск, лістапад-снежань 2014 года.

• 
  Мастак Уладзімір Акулаў на адкрыцці выставы.
• 
  Мастацтвазнаўца Л.Д.Фінкельштэйн на адкрыцці выставы.
• 
  Намеснік дырэктара НББ па інфармацыйных рэсурсах Т.В.Кузьмініч на адкрыцці выставы
• 
  Куратар выставы Яўгеній Ксяневіч з Уладзімірам Акулавым на адкрыцці выставы

Персанальная выстава «Вітражы часу» Уладзіміра Акулава, Віцебскі мастацкі музей, Віцебск, красавік 2016 года

• 
  На адкрыцці выставы - аднакурснік Акулава віцебскі мастак П. Кірылін і куратар Я. Ксяневіч
• 
  Я.Ксяневіч з выпускнікамі віцебскага худграфа ў 70-80-я гады мастаком П. Кірыліным (крайні злева), мастачкай Г.Васільевай
• 
  На адкрыцці выставы - кандыдат мастацтвазнаўства, віцебскі мастак М.Л.Цыбульскі і аршанскі мастак М.І.Таранда
• 
  Злева направа - куратар выставы Я.Ксяневіч, дырэктар Віцебскага мастацкага музея В.І.Акуневіч, студэнцкі сябра Акулава віцебскі мастак П. Кірылін
• 
  Куратар выставы Я.Ксяневіч (злева) і мастак Аляксандр Слепаў
• 
  Госці выставы. Пяты справа - дырэктар Віцебскага цэнтра сучаснага мастацтва Духоўнікаў Андрэй Эрыхавіч

Зноскі

1. Алег Рыгоравіч Арлоў
2. Владимир Акулов 65 лет(недаступная спасылка)
3. Архівавана 4 ліпеня 2015. Архівавана 4 ліпеня 2015. Архівавана 4 ліпеня 2015. belavangard.by 2013 — выставка Владимира Акулова «Местоположение» (руск.) Архівавана 4 ліпеня 2015.