Верцялішкі

Верцялі́шкі^[1] (трансліт.: Vierciališki, руск.: Вертелишки) — аграгарадок у Гродзенскім раёне Гродзенскай вобласці Беларусі. Адміністрацыйны цэнтр Верцялішкаўскага сельсавета.

Аграгарадок Верцялішкі Царква Аляксандра Неўскага Краіна Беларусь Вобласць Гродзенская Раён Гродзенскі Сельсавет Верцялішкаўскі Каардынаты 53°41′55,15″ пн. ш. 24°00′58,37″ у. д.HGЯO Насельніцтва 3 250 чалавек (2015) Часавы пояс UTC+3 Тэлефонны код +375 15 Паштовы індэкс 231741 Аўтамабільны код 4 Верцялішкі Верцялішкі

Верцялішкі на Вікісховішчы

За 4 км ад станцыі Аульс на чыгунцы Масты — Гродна.

Да 1950-х гадоў Верцялішкі былі невялікай вёскай. У 1950-я гады былі створаны калгас «Прагрэс» і торфапрадпрыемства «Верцялішкі», пасля гэтага вёску перабудавалі ў адно з узорных сельскіх паселішч СССР.

За планіроўку і забудову Верцялішак у 1971 годзе архітэктары В. Н. Емяльянаў і Г. У. Заборскі і старшыня калгасу «Прагрэс» Ф. П. Сянько атрымалі Дзяржаўную прэмію СССР у галіне літаратуры, мастацтва і архітэктуры. Фантан «Дожджык» стварыў у 1973 годзе мастак А. Сурмач^[2].

Калгас «Прагрэс» — адно з вядомейшых прадпрыемстваў такога тыпу ў Беларусі. У Верцялішках таксама знаходзіцца галоўная станцыя вузкакалейнай чыгункі торфапрадпрыемства «Верцялішкі», якая ідзе на 30 км на ўсход ад паселішча.

Насельніцтва — каля 3000 чалавек^[калі?], адно з буйнейшых сельскіх паселішч Гродзенскай вобласці.

Назва

Вядомы сучасны літоўскі антрапонім (прозвішча) Vertelis, тапонім Verteliai. Утворана як і прозвішча Церцель, ад імя з утваральнікам -el-.^{[крыніца?]}

Вядомыя асобы

• Казімір Лашкевіч (1888—1978) — польскі палітычны і дзяржаўны дзеяч, дэпутат Сойма Польскай Рэспублікі першага склікання.

Славутасці

• Касцёл Святой Сям’і
• Царква Аляксандра Неўскага (1854)
• Прысядзібны парк