KLKB1

O KLKB1 é un xene que nos humanos está situado no cromosoma 4 e que codifica a proteína encimática calicreína plasmática (EC 3.4.21.34),^[1][2] que tamén recibe, entre outros, os nomes de calicreína sérica, calicreína B1 e calicreína B.^{[3][4][5][6][7]} Este encima cataliza a seguinte reacción química: corte selectivo dalgúns enlaces peptídicos nos que interveñen a arxinina ou a lisina no cininóxeno humano, incluíndo os enlaces lisina-arxinina e arxinina-serina para liberar bradicinina.

KLKB1
Estruturas dispoñibles
PDB	Buscar ortólogos: PDBe, RCSB  Lista de códigos PDB 4OGY, 2ANW , 4OGX , 4ZJ4 , 2ANY , 4ZJ5 , 4ZJ6
Identificadores
Nomenclatura	Outros nomes KLKB1, KLK3, PPK, PKKD, PKK, calicreína B1
Símbolos	KLKB1 (HGNC: 6371) KLKB1, KLK3, PPK, PKKD, PKK, calicreína B1
Identificadores externos	OMIM: 229000 MGI: 102849 HomoloGene: 68097 EBI: KLKB1 GeneCards: Xene KLKB1 UniProt: KLKB1
Locus	Cr. 4 q35.2
Ontoloxía Xénica Referencias: AmiGO / QuickGO
Padrón de expresión de ARNm
Máis información
Ortólogos
Especies	Humano Rato
Entrez	3818 16621
Ensembl	Véxase HS Véxase MM
UniProt	P03952 ENSMUSG00000109764
RefSeq (ARNm)	NM_000892 NM_008455
RefSeq (proteína) NCBI	NP_000883 NP_032481
Localización (UCSC)	Cr. 4: 186.21 – 186.26 Mb Cr. 8: 45.72 – 45.75 Mb
PubMed (Busca)	3818 16621

Este encima fórmase a partir da precalicreína plasmática (factor de Fletcher) por acción do factor XIIa.

KLKB1
Identificadores
Número EC	3.4.21.34
Número CAS	410538-33-9
Bases de datos
IntEnz	vista de IntEnz
BRENDA	entrada de BRENDA
ExPASy	vista de NiceZyme
KEGG	entrada de KEGG
MetaCyc	vía metabólica
PRIAM	perfil
Estruturas PDB	RCSB PDB PDBe PDBj PDBsum
Procura PMC artigos PubMed artigos NCBI Protein procura

Función

A precalicreína plasmática é unha glicoproteína que participa na activación dependente de superficie da coagulación do sangue, fibrinólise, xeración de cininas e inflamación. Sintetízase no fígado e segrégase ao sangue como unha soa cadea polipeptídica. A precalicreína plasmática convértese en calicreína plasmática pola acción do factor XIIa polo corte dun enlace interno Arg-Ile. A calicreína plasmática, por tanto, está composta por unha cadea pesada e unha lixeira unidas por unha ponte disulfuro. A cadea pesada orixínase a partir do extremo amino terminal do cimóxeno e contén 4 repeticións en tándem de 90 ou 91 aminoácidos. Cada repetición contén unha estrutura peculiar chamada dominio mazá. A cadea pesada é necesaria para a actividade procoagulante dependete de supericie da calicreína plasmática. A cadea lixeira contén o sitio activo ou dominio catalítico do encima e é homóloga da familia da tripsina de serina proteases. A deficiencia en precalicreína plasmática causa unha activación prolongada do tempo de tromboplastina parcial nos pacientes. O empalme alternativo orixina múltiples variantes de transcrición que codifican diferentes isoformas^[8]

Interaccións

A KLKB1 (calicreína plasmática) presenta interaccións co cininóxeno de alto peso molecular.^{[9][10][11][12]}