1734

Árið 1734 (MDCCXXXIV í rómverskum tölum)

Ár

1731 1732 1733 – 1734 – 1735 1736 1737

Áratugir

1721–1730 – 1731–1740 – 1741–1750

Aldir

17. öldin – 18. öldin – 19. öldin

Eftirmyndir af dönsku gullhornunum.

Á Íslandi

• Janúar - Bátur í eigu Brynjólfs Þórðarsonar sýslumanns á Hlíðarenda, sem ætlaði frá Landeyjum til Vestmannaeyja, lenti í hrakningum og fórust sextán manns sem með því voru. Skipið rak í Þorlákshöfn á þriðja degi og voru tíu lík um borð.
• 21. mars - Suðurlandsskjálftinn 1734: Á góuþrælinn kom ógurlegur jarðskjálfti i Árnessýslu. Sjö eða átta menn fórust og fjöldi bæja hrundi.
• 24. desember - Séra Sigurður Árnason var svo drukkinn við jólamessu í Voðmúlastaðakirkju að hann valt ofurölvi frá altarinu á kórgólfið.
• Alexander Christian Smith varð lögmaður norðan og vestan.
• Skúli Magnússon varð sýslumaður í Skaftafellssýslu.
• Prentun Steinsbiblíu lauk.
• Líflátshegning fyrir þjófnað var afnumin.
• Hugmyndir um byggingu hegningarhúss á Íslandi voru fyrst ræddar á Alþingi.
• Tjöruhúsið á Ísafirði byggt.

Fædd

• 2. júlí - Halldór Jakobsson, sýslumaður.
• 13. júlí - Magnús Einarsson, prestur og skáld á Tjörn í Svarfaðardal (d. 1794).
• 11. ágúst - Margrét Finnsdóttir, biskupsfrú á Hólum, kona Jóns Teitssonar (d. 1796).
• 11. september - Egill Þórhallason, trúboðsprestur á Grænlandi (d. 1789).
• Jón Arnórsson eldri, sýslumaður á Snæfellsnesi.

Dáin

• Kornelíus Wulf, danskur embættismaður.
• Richard Cantillon, fransk-írskur hagfræðingur. (f. 1680).

Erlendis

• 15. maí - Karl 3. Spánarkonungur varð konungur Napólí og Sikileyjar.
• 27. maí - Svissneskir og franskir hermenn bældu niður þrælauppreisn í Dönsku Vestur-Indíum.
• 6. júní - Robert Walpole, forsætisráðherra Bretlands hélt velli þrátt fyrir að hafa misst 85 sæti á þinginu eftir kosningar.
• 30. júní - Pólska erfðastríðið: Rússar tóku yfir borgina Danzig (Gdansk).
• 24. desember - Bruni í aðsetri spænsku konungsfjölskyldunnar, Real Alcázar de Madrid, eyðilagði meira en 500 listaverk.
• Drykkjarhorn úr gulli fannst við Gallehus á Suður-Jótlandi. Annað stærra horn hafði fundist þar árið 1639.
• Johann Sebastian Bach samdi Jólaóratóríuna.
• Georg-August-háskólinn í Göttingen var stofnaður.

Fædd

• 13. febrúar - Yves-Joseph de Kerguelen-Trémarec, franskur landkönnuður. (d. 1797)
• 23. maí - Franz Anton Mesmer, austurrískur læknir (d.1815).
• 2. nóvember - Daniel Boone, bandarískur veiðimaður og landkönnuður (d. 1820).
• 15. desember - George Romney, enskur málari (d. 1802).

Dáin

• 14. nóvember - Louise de Kérouaille, frönsk hjákona Karls 2. Bretakonungs (f. 1649).
• 28. desember - Rob Roy MacGregor, skosk þjóðhetja (f. 1671).