Арапски јазик

Арапскиот (العربية al-ʻarabīyah или عربي/عربى ʻarabī ) ([alʕaraˈbijja]^ⓘ или ([ˈʕarabiː]^ⓘ) е семитски јазик. Поимот „арапски јазик“ се користи за сите потомци (дијалекти/ јазици) на класичниот арапски јазик од 6 век. Овој поим ги опфаќа како говорните, така и пишаните дијалекти на јазикот. Јазикот се зборува на огромна површина, поточно од Средниот Исток па сè до крајните точни на Северна Африка. Како дел од семитските јазици, арапскиот јазик најсроден е со хебрејскиот, арамејскиот, феникискиот и угаритскиот јазик.

Арапски јазик
العربية/عربي/عربى al-ʻarabiyyah/ʻarabī
al-ʿArabiyyah на пишан арапски.
Изговор	/al ʕarabijja/, /ʕarabiː/
Застапен во	Најголем дел од државите членки во Арапската лига, но и во Израел, Иран, Турција, Еритреја, Мали, Нигер, Чад, Сенегал, Јужен Судан, Етиопија
Говорници	295 милиони  (2010)[1]
Јазично семејство	афроазиско семитски централносемитски арапски јазик
Стандардни облици	стандарден арапски јазик
Дијалекти	магрепски арапски дијалект централни арапски дијалект северни арапски дијалекти јужни арапски дијалекти
Писмо	арапско писмо арапска Брајова азбука сириска азбука хебрејско писмо
Статус
Службен во	Современиот стандарден арапски јазик е службен во 27 држави[2] Список  Алжир  Бахреин  Комори  Чад  Џибути  Египет  Еритреја  Ирак  Израел  Јордан  Кувајт  Либан  Либија  Мавританија  Мароко  Оман  Палестински територии  Катар  Саудиска Арабија  Сомалија  Судан  Сирија  Тунис  ОАР  Западна Сахара  Јемен Африканска Унија Арапска Лига Организација за исламска соработка Обединети Нации
Регулативен орган	Список  Алжир: Врховен совет за арапскиот јазик во Алжир  Египет: Академија за арапскиот јазик во Каиро  Ирак: Ирачка академија на науки  Јордан: Јорданска академија за арапскиот јазик  Либија: Академија на арапскиот јазик во Либија  Мароко: Академија на арапскиот јазик во Рабат  Саудиска Арабија: Академија на арапскиот јазик во Ријад  Сомалија: Академија на арапскиот јазик во Могадишу  Судан: Академија на арапскиот јазик во Картум  Сирија: Арапска академија во Дамаск (најстара)  Тунис: Фондација Бејт ал-Хикма  Израел: Академија на арапскиот јазик во Израел
Јазични кодови
ISO 639-1	ar
ISO 639-2	ara
ISO 639-3	ara арапски
Употреба на арапскиот јазик како единствен официјален (зелено) или како еден од повеќе официјално јазици (сино).

Литературната форма на арапскиот јазик се нарекува стандарден арапски јазик, или литературен јазик. Таа форма е единствена официјална форма на јазикот, која се користи за пишана комуникација, во образованието, власта, медиумите и слично. Јазикот е службен во 27 држави во светот, но и во важни меѓународни организации, како што се: Африканската Унија, ООН или Арапската лига.

Арапскиот јазик и Исламот

Доста често арапскиот јазик се поврзува со Исламот. Класичниот арапски јазик е јазикот на кој е напишан Куранот. Сепак, важно е да се напомене дека јазикот не го зборуваат само муслимани, туку и арапски христијани, евреи и ирачки мандаејанци. Иако повеќето од муслиманите во светот не зборуваат арапски, односно не им е мајчин јазик, сепак добар дел од нив можат да го читаат Куранот.

Географска распространетост на варијантите на арапскиот јазик според Ethnologue и други извори:

•   1: Хасанија
•   2: Марокански арапски
•   3: Сахарски арапски
•   4: Алжирски арапски
•   5: Туниски арапски
•   6: Либиски арапски
•   7: Египетски арапски
•   8: Источноегипетски бедуински арапски
•   9: Саидски арапски
•   10: Чадски арапски
•   11: Судански арапски
•   12: Јужносудански арапски
•   13: Неџдиски арапски
•   14: Левантски арапски
•   15: Северномесопотамски арапски
•   16: Ирачки арапски
•   17: Заливски арапски
•   18: Бахрански арапски
•   19: Хиџаски арапски
•   20: Шихиски арапски
•   21: Омански арапски
•   22: Дофарски арапски
•   23: Севернојеменски арапски
•   24: Јужнојеменски арапски
•   25: Хадрамаутски арапски
•   26: Узбечки арапски
•   27: Таџички арапски
•   28: Кипарски арапски
•   29: Малтешки
•   30: Нуби
•   Ретко населена област или без арапски говорници