Градско Балдовци

Градско Балдовци — село во Општина Струмица, во околината на градот Струмица.

Градско Балдовци
Градско Балдовци Местоположба на Градско Балдовци во Македонија Градско Балдовци на карта
Координати 41°25′24″N 22°39′47″E
Општина	Струмица
Население	626 жит. (поп. 2021)[1]
Шифра на КО	27020
Надм. вис.	223 мнв м
Слава	Свети Илија
Градско Балдовци на општинската карта Атарот на Градско Балдовци во рамките на општината

Географија и местоположба

Влезот на црквата Свети Илија

Влезот на црквата Свети Никола

ОУ „Никола Вапцаров“

Градско Балдовци се наоѓа во југоисточниот дел на Република Македонија. Од најблискиот град Струмица е оддалечен 3 километри. Поради блискоста со градот, селото е наречено Градско Балдовци.

Надморската височина во селото е 223 метри а површината на селото изнесува 432 ха.

Селото се граничи со Струмица, Куклиш, Сачево, Дабиле.

Историја

Името Градско Балдовци било образувано од машкото лично име Балдо и наставката "вци" - Балдовци. Поради блискоста до градот, со текот на времето именката Балдовци била додадена посвојната придавка Градско, па селото денес е познато како Градско Балдовци^[2].

Потеклото на селото не е утврдено, но се споменува дека во него порано живеело македонско и турско население. На споменатата Етнографска карта од 1912 година селото е обележано со повеќе муслиманско одошто христијанско население. Според статистиката на Стефан Верковиќ, во 1889 година селото имало 523 жители.

Во „Етнографија на Адријанопол, Монастир и Салоника“ се вели дека во 1873 г. Балдовци се состоело од 35 семејства со 90 жители Македонци и 10 Роми^[3][4] Според статистиката на Васил К’нчов („Македонија. Етнографија и статистика“) во 1900 година Балдовци имало 240 жители Македонци и 25 Турци^[3][5].

Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 216 Македонци и 18 Роми^[3][6].

Стопанство

Претежно занимање на населението е земјоделство и сточарство. Обработливото земјиште во селото зафаќа површина од 308 ха^[7].

Демографија

Население во минатото

Година Нас. ±% 1948 375 —     1953 437 +16.5% 1961 498 +14.0% 1971 532 +6.8% 1981 651 +22.4%	Година Нас. ±% 1991 776 +19.2% 1994 732 −5.7% 2002 755 +3.1% 2021 626 −17.1%

Според германска карта издадена во 1941 година, а заснована на пописот на Кралството Југославија од 1931 година, селото имало 350 Македонци.^[8]

Поради својата добра местоположба во Струмичко Поле, во населеното место Градско Балдовци се забележува постојан пораст на населението. Во 1853 година селото имало 437 жители, од кои 423 Македонци и 14 Турци, во 1961 населението се зголемило на 498, од кои 481 Македонец, 9 Турци и 8 Срби, во 1971 година бројот на населението изнесувал 532 жители (91 семејство), во 1981 година - 133 семејство и 651 жител, 1991 - 190 семејства и 776 жители, во 1994 - 203 семејства и 732 жители, од кои сите Македонци.

Според пописот на населението на Македонија од 2002 година, селото има 755 жители, сите Македонци и 239 домаќинства.^[9]

Според последниот попис од 2021 година, во селото живееле 626 жители, од кои 552 Македонци, 1 останат и 73 лица без податоци.^[10]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	265	234	375	437	498	532	651	776	732	755	626

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Општествени установи

• Подрачно Основно училиште Никола Вапцаров
• Дом на култура

Самоуправа и политика

Избирачко место

Во селото постои избирачкото место бр. 1760 според Државната изборна комисија, сместени во просториите на основното училиште.^[15]

На претседателските избори во 2019 година, на ова избирачко место биле запишани вкупно 642 гласачи.^[16]

На Македонски парламентарни избори во 2020 година, на овие избирачки места биле запишани вкупно 652 гласачи.^[17]

Културни и природни знаменитости

• Црква Св.Илија
• Црква Св.Никола

Култура и спорт

• Постои фудбалски клуб Тркања кој од 2014 година го носи името Спартмани.^[18]