Општина Држилово

Општина Држилово, именувана и како Месен народен одбор Држилово ― поранешна општина во Македонија, која постоела во периодот 1913-1915, меѓувоениот период и 1945-1952 година.

Општина Држилово (1913-1915, 1918-1941) Месен народен одбор Држилово (1945-1952)
Општина на Кралство Србија / Кралство СХС/Југославија / ДФ/НР Македонија, ДФЈ/ФНРЈ
1913–1952 →   →
Главен град/седиште		Држилово
Составни делови		Држилово (1913-1915, 1918-1941, 1945-1952), Елово (1913-1915, 1918-1941, 1950-1952), Малчиште (1913-1915, 1918-1941), Патишка Река (1913-1915, 1918-1941, 1947-1950), Умово (1913-1915), Цветово (1913-1915, 1918-1941) и Црн Врв (1913-1915, 1918-1941)
Историја
-	Основање на Општина Држилово	1913
-	Основање на МНО Држилово	1945
-	Укинување на МНО Држилово	1952
Население
-	1913	4,338 жит.
-	1921	3,709
-	1931	3,399
-	1948	1,347
Управни единици		Држава: Кралство Србија (1913-1915), Кралство Југославија (1918-1941), ДФЈ/ФНРЈ/СФРЈ (1945-1965) Република: ДФ/НР Македонија (1945-1952) Бановина: Вардарска (1929-1941) Округ: Скопски (1913-1915, 1918-1922, 1945-1947) Област: Скопска (1922-1929) Срез: Скопски (1913-1915, 1918-1941) Околија: Драчевска (1945-1947), Скопска (1947-1952)
Денес во		Општина Студеничани

Историја

1913-1915

Општина Држилово за прв пат била основана во 1913 година, за време на Кралството Србија. Населени места во општината биле Држилово, Елово, Малчиште, Патишка Река, Умово, Цветово и Црн Врв. Општината била дел од Скопскиот Срез, Скопски Округ.^[1]

Кралство СХС/Југославија

За време на новата држава Кралство СХС (подоцна под името Кралство Југославија), Општина Држилово продолжила да постои во рамки на Скопскиот Срез, и почнувајќи од 1929 година, во Вардарската Бановина. Таа се состоела од населените места: Држилово, Елово, Малчиште, Патишка Река, Цветово и Црн Врв.^[2][3][4]

1945-1952

Месниот народен одбор Држилово бил основан во 1945 година. Тој бил дел од Драчевската Околија, Скопски Округ, и негово составно населено место било Држилово.^[5] Во 1947 година, според новата административна поделба, Месниот народен одбор Држилово бил проширен на сметка на соседниот и укинат Месен народен одбор Патишка Река со неговото село Патишка Река.^[6] Во 1950 година, според новата административна поделба, Месниот народен одбор Држилово бил проширен на сметка на укинатиот Месен народен одбор Сушица со неговото село Елово, но истовремено МНО Држилово ја загубил Патишка Река која припаднала на Месен народен одбор Јаболци.^[7] Согласно административната поделба од 1952 година, МНО Држилово бил укинат на сметка на Општина Јаболци која го добила селото Држилово, и Општина Цветово која го добила селото Елово.^[8]

Население

Според пописот од 1913 година, Општина Држилово имала 4,338 жители, односно вкупното население на Држилово, Елово, Малчиште, Патишка Река, Умово, Цветово и Црн Врв.^[1]

Според пописот од 1921 година, Општина Држилово имала 3,709 жители. Таа се состоела од населените места: Држилово, Елово, Малчиште, Патишка Река, Цветово и Црн Врв. Според верската припадност, 23 биле православни, додека 3,686 биле муслимани. Според јазичната припадност, 2,769 биле Срби/Хрвати, 939 биле Албанци, додека 1 бил Турчин.^{[9][б 1]}

Според пописот од 1931 година, Општина Држилово имала 3,399 жители, од кои 1,669 биле мажи, а 1,730 биле жени. Општината се состоела од 553 куќи и 549 домаќинства во селата Држилово, Елово, Малчиште, Патишка Река, Цветово и Црн Врв.^[10]

Според пописот од 1948 година, Месен народен одбор Држилово имал 1,347 жители, односно вкупното население на Држилово и Патишка Река.

Следува табела според народностите во пописот од 1948 година:^[11]

Народност	Вкупно
Македонци	776
Албанци	570
Турци	1

Поврзано

• Список на населени места во Вардарска Македонија по општина (1913-1915)
• Список на општини во Вардарска Бановина по население (1931)
• Список на општини во Македонија по население (1948)

Забелешки

1. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.