Тајна ослободителна македонска организација

Тајна ослободителна македонска организација (ТОМО) — македонска организација основана на 20 јануари 1945 година по иницијатива на Вангел Ајановски-Оче, кој бил и нејзин раководител. Во раководството на организацијата влегувале: Марика Самаренова, Ристо Кордалов, Туши Кераметчиев, Ташко Хаџијанов и Вангел Шармандов-Илинденски.

Дел од одредот на ТОМО на чело со Туши Кераметчиев

Центар на дејност бил градот Воден со околните села. Веднаш по нејзиното создавање напредните Македонци, членови на грчката комунистичка партија - КПГ масовно ја напуштаат и влегуваат во ТОМО. А тое се Мирка Гинова, Апостолаки Василев, Ристо Буковалов, Ташко Мамуровски, Ставро Камчев, Вани Калајџиев, од градот Воден повеќето македонски активисти на КПГ - Дини Кузев, Алеко Легинаров, Туши Умалиев, Перикли Паскалов, Никола Проев, Марика Самаренова, Дора Кајмакова, Велика Ајановска, Дора Поченова, Петре Шорев, Ели Родичева, Александра Бобова.

Разграноци на организацијата биле создадени во неколку воденски села.

Список на воденски села каде што дејствувале чети на ТОМО
Раководители	Село
Петре Тануров	Баово
Пена Думова	Владово
Петре Попов	Волкојанево
Бајто Трпко	Горно Родиво
Петре Поповски	Долно Родиво
Атанас Диовски	Кронцелево
Никола Кралевски	Луковец
Вангел Чобанов Кољо Ќорташев Панајот Божинов	Месимер
Илија Картовски Ристо Богов	Острово
Иван Доков	Пожарско
Вани Шеретов	Русилово
Атанас Илиев Ристо Бинов	Саракиново
Ставро Камчев-Лазо	Соботско
Гоно Јанчев	Тресино

Истовремено со организациската мрежа е формиран и партизански одред во месноста „Гаганец“ над селото Кронцелево, а седиштето му била на Ниџе. На конференција на 28 април 1945 година во месноста „Тупче“ меѓу Кронцелево и Волкојанево организацијата е преименувана на Народно-ослободителен фронт - НОФ.