Општина Горно Количани

Општина Горно Количани, именувана и како Месен народен одбор Горно Количани ― поранешна општина во Македонија, која постоела во периодот 1913-1915, меѓувоениот период и 1945-1955 година.

Општина Горно Количани (1913-1915, 1918-1941, 1952-1955) Месен народен одбор Горно Количани (1945-1952)
Општина на Кралство Србија / Кралство СХС/Југославија / ДФ/НР Македонија, ДФЈ/ФНРЈ
1913–1955 →
Главен град/седиште		Горно Количани
Составни делови		Алдинци (1913-1915, 1918-1941, 1950-1955), Горно Количани (1913-1915, 1918-1941, 1945-1955), Долно Количани (1913-1915, 1918-1941, 1950-1955), Драчевица (1913-1915, 1918-1941, 1947-1955), Калдирец (1945-1955), Пагаруша (1913-1915, 1918-1941, 1950-1955), Умово (1918-1941) и Црвена Вода (1913-1915, 1918-1941, 1945-1955)
Историја
-	Основање на Општина Горно Количани	1913
-	Основање на МНО Горно Количани	1945
-	Укинување на Општина Горно Количани	1955
Население
-	1921	2,559 жит.
-	1931	3,538
-	1948	1,861
-	1953	3,753
Управни единици		Држава: Кралство Србија (1913-1915), Кралство Југославија (1918-1941), ДФЈ/ФНРЈ (1945-1955) Република: ДФ/НР Македонија (1945-1955) Бановина: Вардарска (1929-1941) Округ: Скопски (1913-1915, 1918-1922, 1945-1947) Област: Скопска (1922-1929) Срез: Скопски (1913-1915, 1918-1941) Околија: Драчевска (1945-1947), Скопска (1947-1955)
Денес во		Општина Студеничани

Историја

1913-1915

Општина Горно Количани за прв пат била основана во 1913 година, за време на Кралството Србија. Населени места во општината биле Алдинци, Горно Количани, Долно Количани, Драчевица, Пагаруша и Црвена Вода. Општината била дел од Скопскиот Срез, Скопски Округ.^[1]

Кралство СХС/Југославија

За време на новата држава Кралство СХС (подоцна под името Кралство Југославија), Општина Горно Количани продолжила да постои во рамки на Скопскиот Срез, и почнувајќи од 1929 година, во Вардарската Бановина. Таа се состоела од населените места: Алдинци, Горно Количани, Долно Количани, Драчевица, Пагаруша, Умово и Црвена Вода.^[2][3][4]

1945-1955

Месниот народен одбор Горно Количани бил основан во 1945 година. Тој бил дел од Драчевската Околија, Скопски Округ, и негови составни населени места биле Горно Количани, Калдирец, и Црвена Вода.^[5] Во 1947 година, според новата административна поделба, Месниот народен одбор Горно Количани бил проширен на сметка на соседниот и укинат Месен народен одбор Драчевица со неговото село Драчевица.^[6] Во 1950 година, според новата административна поделба, Месниот народен одбор Горно Количани бил проширен на сметка на соседниот и укинат Месен народен одбор Долно Количани со неговите села Алдинци, Долно Количани, и Пагаруша.^[7] Согласно административната поделба од 1952 година, сега со називот, Општина Горно Количани продолжила да постои и да ги опфаќа истите седум населени места.^[8] Согласно административната поделба од 1955 година, Општина Горно Количани била укината и нејзината општинска територија припаднала на Општина Драчево.^[9]

Население

Според пописот од 1921 година, Општина Горно Количани имала 2,559 жители. Според верската припадност, 17 биле православни, додека 2,542 биле муслимани. Според јазичната припадност, 17 биле Срби/Хрвати, 1,414 биле Албанци, 1,111 биле Турци, додека 17 биле останато и непознато.^{[10][б 1]}

Според пописот од 1931 година, Општина Горно Количани имала 3,538 жители, од кои 1,762 биле мажи, а 1,776 биле жени. Општината се состоела од 579 куќи и 579 домаќинства.^[11]

Според пописот од 1948 година, Месен народен одбор Горно Количани имал 1,861 жител, односно вкупното население на Горно Количани, Драчевица, Калдирец, и Црвена Вода. Сите жители биле Албанци.^[12]

Според пописот од 1953 година, Општина Горно Количани имала 3,753 жители, односно вкупното население на Алдинци, Горно Количани, Долно Количани, Драчевица, Калдирец, Пагаруша и Црвена Вода.

Следува табела според народностите во пописот од 1953 година:^[13][14]

Народност	Вкупно
Македонци	5
Албанци	1,116
Турци	2,615
Роми	12
Неопределени Југословени	4
Останати несловени	1

Поврзано

• Список на населени места во Вардарска Македонија по општина (1913-1915)
• Список на општини во Вардарска Бановина по население (1931)
• Список на општини во Македонија по население (1948)
• Список на општини во Македонија по население (1953)

Забелешки

1. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.