Стево Спасовски

Стево Спасовски (роден Стеван Спасов;^[1] 25 ноември 1940 , Скопје — 30 март 2008 , Скопје) — македонски глумец, член во Младинско-детскиот театар (1959 — 1962), во Драмата на МНТ (1962 — 1964), а од 1964 година до пензионирањето во Драмскиот театар во Скопје. Настапувал и во ТВ-драми, во серии, на радио и на филм.^[2]

Стево Спасовски
Роден	25 ноември 1940 Скопје, Вардарска Бановина, Кралство Југославија
Починал	30 март 2008 (возраст: 67) Скопје, Македонија
Националност	Македонец
Народност	Македонец
Занимање	глумец
Роднини	Стефан Спасов (внук) Јаков Спасов (внук)
Деца	Драган Спасов-Дац (син)

Животопис

Спасовски е роден во Скопје на 25 ноември 1940 година. Со професионална глумечка дејност почнал да се занимава од 1960 година, прво во Македонскиот народен театар, а потоа од 1964 година во Драмскиот театар во Скопје, сè до неговото пензионирање. Спасовски е добитник на наградите: „11 Октомври“ за улога во претставата „Косанчичев венец“ (1983), награда на ТИ „Војдан Чернодрински“, за улога во претставата „Тетовирани души“ во 1987 година, а истата година бил прогласен и за глумец на годината. Во 1988 повторно е награден на ТИ „Војдан Чернодрински“ за улогата во претставата „Клаустрофобична комедија“, а како заокружување на неговата глумечка дејност во 1999 година Стево Спасовски е добитник на наградата „Климент Охридски“, додека во 2001 година ја добил наградата за животно дело на ТФ „Војдан Чернодрински“. Син на Спасовски е познатиот глумец Драган Спасов - Дац.^[3] Починал во Скопје на 30 март 2008 година.

Филмографија

Година	Филм	Улога
1961	Солунските атентатори ТВ-филм	Владимир Пингов
1967	Да видам што да бидам ТВ-серија
1969	Републиката во пламен ТВ-филм
1971	Понижени и навредени ТВ-филм
1971	Македонскиот дел од пеколот ТВ-филм
1972	Истрел ТВ-филм
1972	Настан можеби последен ТВ-филм
1973	Смилевскиот конгрес ТВ-филм	Борис Сарафов
1973	Луѓе и птици ТВ-филм
1975	Сребрено јаболко ТВ-филм
1977	Итар Пејо ТВ-серија	Поп Петко
1979	Наши години ТВ-серија	Тане
1980	Учителот ТВ-филм	Јоаким Сапунџиев
1981	Црвениот коњ ТВ-филм
1982	Илинден ТВ-серија	Доктор
1982	Едно лето ТВ-серија
1984	Другарувања ТВ-серија	Професор по физика
1984	Диво месо ТВ-филм	Херчог
1985	Јазол ТВ-филм
1985	Тетовирани души ТВ-филм
1986	Солунски патрдии ТВ-серија	Киртаки
1987	Ѕвездите на 42-та ТВ-филм	Јаков Ароести
1987	За трошка среќа ТВ-филм	Ацо
1987	Случки од животот ТВ-серија
1988	Марка ТВ-филм
1991	Болва в' уво ТВ-филм	Ромен Тунел
1991	Тетовирање ТВ-филм	Професорот
1992	Чернодрински се враќа дома ТВ-филм
1993	Светлосиво ТВ-филм	Ѓавол во срцето
1995	Уа шнајдери ТВ-серија
1995	Во светот на бајките ТВ-серија
1997	Преку езерото ТВ-филм	Приест Николај
1998	Збогум на 20-тиот век ТВ-филм	Професорот
2000	Глас ТВ-филм