Табановце

Табановце или Табановци — село во Општина Куманово, во околината на градот Куманово.

Табановце
Табановце Местоположба на Табановце во Македонија Табановце на карта
Координати 42°12′52″N 21°42′29″E
Регион	Североисточен
Општина	Куманово
Население	817 жит. (поп. 2021)[1]
Шифра на КО	17101
Табановце на општинската карта Атарот на Табановце во рамките на општината
Табановце на Ризницата

Географија и местоположба

Табановце се наоѓа во областа Жеглигово, на границата помеѓу Србија и Македонија (граничен премин Табановце) и е оддалечено 8 км од Куманово.

Историја

Подрачјето на Табановце е населено уште од римско време, за што сведочат наоѓалиштата Бежине и Падалиште во неговиот атар.^[2]

Стопанство

Железничката станица „Табановце“.

Селото има развиено стопанство. Населението се занимава со земјоделство и сточарство.

Население

Население во минатото

Година Нас. ±% 1948 1.109 —     1953 1.265 +14.1% 1961 1.259 −0.5% 1971 1.194 −5.2% 1981 1.164 −2.5%	Година Нас. ±% 1991 772 −33.7% 1994 885 +14.6% 2002 910 +2.8% 2021 817 −10.2%

Според статистиката на Васил К’нчов („Македонија, Етнографија и статистика“) од 1900 година, во Табановце живееле 500 жители, сите Македонци.^[3] Според секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во Табановце имало 480 Македонци, патријаршисти.^[4]

Според германска карта издадена во 1941 година, а заснована на пописот на Кралство Југославија во 1931 година, селото имало 750 Македонци.^[5]

Според пописот од 2002 година, во селото живеат 910 жители, од кои: 205 Македонци, 177 Албанци, 516 Срби и 12 останати.^[6]

Според последниот попис од 2021 година, во селото живееле 817 жители, од кои 241 Македонец, 211 Албанци, 294 Срби, 4 останати и 67 лица без податоци.^[7]

На табелата е прикажан националниот состав на населението низ сите пописни години:^[8]

Година	Македонци	Албанци	Турци	Роми	Власи	Срби	Бошњаци	Ост.	б.п.	Вкупно
1948	—	—	—	—	—	—	—	—	—	1.109
1953	90	—	1	53	—	1.110	...	11	—	1.265
1961	78	—	1	...	...	1.159	...	21	—	1.259
1971	118	126	1	1	...	935	...	13	—	1.194
1981	148	250	—	—	—	736	...	30	—	1.164
1991	153	—	—	—	—	610	...	9	—	772
1994	148	174	—	—	—	533	—	10	—	885
2002	205	177	—	—	—	516	—	12	—	910
2021	241	211	—	—	—	294	—	4	67	817

Родови

Православни родови во селото Табановце се: Бузинци (23 к.) они се најстар табановачки род; Заќевци (20 к.) доселени се од денес албанското село Зајас, Кичевско, доселени се околу 1800 година; Мицини (20 к.) доселени се од некое село во Битолско; во маалата Чифлак (36 к.) и Сланиште (35 к.) живеат доселеници од Горна Пчиња и Кривопаланечко; Киселчани (9 к.); Старчани (9 к.) доселени се околу 1920 година од селото Старац кај Врање; Колонисти (10 к.) доселени се како колонисти од Србија и Лика; Пироќанци (15 к.) доселени се од околината на Пирот.

Муслимански родови: муслиманските Албанци во селото се населени од околу 1962 година, кога српските колонисти почнале да се иселуваат во Смедерево, муслиманското население е доселено од околината на Гнилане (13 к.).^[9]

Општествени установи

Самоуправа и политика

Културни и природни знаменитости

Верски објекти

• Коџа Мехмед бег џамија — руинирана џамија од крајот на XVI и почетокот на XVII век, прогласена за значајно културно наследство на Македонија^[10]

Археолошки наоѓалишта^[2]

• Бежине — населба од римско време
• Падалиште — населба од римско време
• Црквиште - Костурац — населба од средниот век
• Џабинка - Аништа — објект од средниот век

Редовни настани

Личности

Култура и спорт

Иселеништво

Родови иселени од Табановце има во Карабичане (Црвенковци и Басмарци), Режановце (Кокошињаци), Опае (Армутовци), Долно Коњаре (Петруш), Горно Коњари (Пешеви). Од 1945 година, па натака населението почнало помасовно да се иселува низ градовите.^[9]

Наводи

1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
2. Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 223. ISBN 9989-649-28-6.
3. Кънчов, Васил. „Македония. Етнография и статистика“. София, 1900, стр. 217.
4. Brancoff, D.M. "La Macédoine et sa Population Chrétienne". Paris, 1905, pp. 128-129.
5. „200K Volkstumskarte Jugoslawien“.
6. Попис на населението, домаќинствата и становите во Република Македонија, 2002 - Книга X
7. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
8. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година). База на податоци МАКСтат Архивирано на 10 декември 2021 г.. Државен завод за статистика.
9. Трифуноски, Јован (1974). Кумановска област. Скопје: Универзитетска печатница „ Кирил и Методиј “. стр. 27-28–29-30.
10. Културно добро бр. 240: „Коџа мехмед бег џамија“ — Национален информативен систем за културното наследство на УЗКН

Надворешни врски

• Табановце на Ризницата ^?