നിയമസഭ

ഇന്ത്യയിൽ സംസ്ഥാനതലത്തിലെ ജനങ്ങളാൽ തിരഞ്ഞെടുക്കപ്പെട്ട നിയമ നിർമ്മാണ സഭയാണ് നിയമസഭ (ആംഗലേയം: Legislative Assembly)എന്നറിയപ്പെടുന്നത്. വിധാൻ സഭ (ഹിന്ദി: विधान सभा) എന്നും ഇത് ഇന്ത്യയിലെ ചില സംസ്ഥാനങ്ങളിൽ അറിയപ്പെടുന്നു. സംസ്ഥാനത്തിലെ ജനങ്ങൾ നേരിട്ട് വോട്ട് ചെയ്താണ് ഇതിലെ അംഗങ്ങളെ തിരഞ്ഞെടുക്കുന്നത്. പ്രായ പൂർത്തിയായ (18 വയസ്സ് തികഞ്ഞ) മുഴുവൻ പൗരൻമാർക്കും വോട്ടവകാശമുണ്ട്. ഇത്തരത്തിൽ തിരഞ്ഞെടുക്കപ്പെടുന്ന അംഗങ്ങൾക്കു പുറമേ, ആംഗ്ലോ ഇന്ത്യക്കാരുടെ പ്രതിനിധിയായി ഒരംഗത്തെ ഗവർണ്ണർക്കു നിർദ്ദേശിക്കാം. സഭയിൽ ആംഗ്ലോ ഇന്ത്യക്കാർക്ക് ആവശ്യത്തിന് പ്രാതിനിധ്യമില്ലെങ്കിലാണ് ഇങ്ങനെ നാമനിർദ്ദേശം ചെയ്യുക. അഞ്ച് വർഷമാണ് ഒരു നിയമസഭയുടെ കാലാവധി. നിയമസഭയിലേയ്ക്ക് തിരഞ്ഞെടുക്കപ്പെടുന്നവർ മെംബർ ഓഫ് ലെജിസ്ലേറ്റീവ് അസംബ്ലി (എം.എൽ.എ.) അല്ലെങ്കിൽ നിയമസഭാംഗം എന്നാണറിയപ്പെടുന്നത്.

ഭാരതം ഭാരതം:രാഷ്ട്രതന്ത്രവും സർക്കാരും എന്ന പരമ്പരയുടെ ഭാഗം

ഭാരതം ഇന്ത്യൻ ഭരണഘടന മൗലികാവകാശങ്ങൾ                ഭരണകൂടം കേന്ദ്രസർക്കാർ രാഷ്ട്രപതി ഉപരാഷ്ട്രപതി പ്രധാനമന്ത്രി കേന്ദ്ര മന്ത്രിസഭ സംസ്ഥാന സർക്കാറുകൾ ഗവർണ്ണർമാർ മുഖ്യമന്ത്രിമാർ മന്ത്രിസഭ കേന്ദ്ര ഭരണ പ്രദേശങ്ങൾ ലെഫ്റ്റനന്റ് ഗവർണ്ണർമാർ മുഖ്യമന്ത്രിമാർ മന്ത്രിസഭ                നിയമ നിർമ്മാണ സഭകൾ പാർലമെന്റ് രാജ്യസഭ അധ്യക്ഷൻ  ലോകസഭ  സ്പീക്കർ സംസ്ഥാന നിയമസഭകൾ നിയമസഭ  സ്പീക്കർ വിധാൻപരിഷത്                നീതിന്യായ വ്യവസ്ഥ സുപ്രീം കോടതി ചീഫ് ജസ്റ്റീസ്  ജഡ്ജിമാർ ഹൈക്കോടതികൾ ചീഫ് ജസ്റ്റീസ്  ജഡ്ജിമാർ ജില്ലാ കോടതികൾ  ജില്ലാ ജഡ്ജി  സെഷൻസ് ജഡ്ജി                തദ്ദേശ ഭരണം ഗ്രാമപഞ്ചായത്ത് ഭരണസമിതി  ഗ്രാമപഞ്ചായത്ത് പ്രസിഡന്റ് ഗ്രാമസഭ  ഗ്രാമപഞ്ചായത്ത് അംഗം ബ്ലോക്ക് പഞ്ചായത്ത് ഭരണസമിതി  ബ്ലോക്ക് പഞ്ചായത്ത് പ്രസിഡന്റ് ജില്ലാ പഞ്ചായത്ത് ഭരണസമിതി  ജില്ലാ പഞ്ചായത്ത് പ്രസിഡന്റ് നഗരസഭ ഭരണസമിതി  നഗരസഭാ ചെയർമാൻ കോർപ്പറേഷൻ ഭരണസമിതി  മേയർ                മറ്റു ഭരണഘടനാ സ്ഥാപനങ്ങൾ തെരഞ്ഞെടുപ്പ് കമ്മീഷൻ മുഖ്യ തെരഞ്ഞെടുപ്പ് കമ്മീഷണർ സി.എ.ജി. ആസൂത്രണ കമ്മീഷൻ യൂണിയൻ പബ്ലിക് സർവീസ് കമ്മീഷൻ മനുഷ്യാവകാശ കമ്മീഷൻ അറ്റോർണി ജനറൽ കേന്ദ്ര വിജിലൻസ് കമ്മീഷൻ പട്ടികജാതി കമ്മീഷൻ പട്ടികവർഗ്ഗ കമ്മീഷൻ ദേശീയ വനിതാ കമ്മീഷൻ ദേശീയ പിന്നാക്ക വർഗ്ഗ കമ്മീഷൻ യൂനിവേഴ്സിറ്റി ഗ്രാൻറ്സ് കമ്മിഷൻ രാഷ്ട്രീയ വികാസ് പരിഷത്ത്                രാഷ്ട്രീയകക്ഷികൾ ദേശീയ കക്ഷികൾ സംസ്ഥാന കക്ഷികൾ ദേശീയ മുന്നണികൾ ഇടതു മുന്നണി ദേശീയ ജനാധിപത്യ സഖ്യം (എൻ.ഡി.എ) ഐക്യ പുരോഗമന സഖ്യം (യു.പി എ.)

ഇന്ത്യാ കവാടം ·  രാഷ്ട്രീയം കവാടം view talk edit

ഉപരിസഭക്കായി, ദയവായി ലെജിസ്ലേറ്റീവ് കൗൺസിൽ കാണുക.

ഉപരിസഭയുള്ള ആറ് സംസ്ഥാന‌ങ്ങളിൽ അവ വിധാൻ പരിഷത്ത് (ലെജിസ്ലേറ്റീവ് കൗൺസിൽ) എന്നാണറിയപ്പെടുന്നത്.

അടിസ്ഥാനമായ നിയമങ്ങൾ

ഇന്ത്യൻ ഭരണഘടനയുടെ അടിസ്ഥാനത്തിൽ ഒരു നിയമസഭയിൽ ഉള്ള അംഗങ്ങളുടെ എണ്ണം പരമാവധി 500 ഉം ചുരുങ്ങിയത് 60 ഉം ആയി നിജപ്പെടുത്തിയിരിക്കുന്നു. എങ്കിലും ഗോവ, സിക്കിം, മിസോറാം തുടങ്ങിയ സംസ്ഥാനങ്ങൾക്കുവേണ്ടി ഇത് 60 ലും താഴെ ആകാമെന്ന വ്യവസ്ഥ പാർലമെന്റ് അംഗീകരിച്ചിട്ടുണ്ട്.

നിയമസഭകളുടെ കാലാവധി അഞ്ചുവർഷമാണ്. അടിയന്തരാവസ്ഥക്കാലത്ത് ഈ കാലാവധി ആറുമാസം വീതം നീട്ടുകയോ അസംബ്ലി പിരിച്ചുവിടുകയോ ചെയ്യാവുന്നതാണ്. മുഖ്യമന്ത്രിയുടെ ഉപദേശമനുസരിച്ച് നിയമസഭ കാലാവധി പൂർത്തിയാക്കുന്നതിനു മുൻപുതന്നെ പിരിച്ചുവിടാവുന്നതാണ്. ഗവണ്മെന്റ് രൂപീകരിച്ചിട്ടുള്ള ഭൂരിപക്ഷ കക്ഷിയ്ക്കോ മുന്നണിക്കോ എതിരായ അവിശ്വാസപ്രമേയം പാസാക്കുന്നതും നിയമസഭ പിരിച്ചുവിടുന്നതിലേയ്ക്ക് നയിച്ചേയ്ക്കാം.

ഇന്ത്യയിലെ നിയമസ‌ഭകളുടെ (വിധാൻ സഭകളുടെ) പട്ടിക

നിയമസഭ (ലെജിസ്ലേറ്റീവ് അസംബ്ലി)	മണ്ഡലങ്ങളുടെ പട്ടിക	സ്ഥാനം/തലസ്ഥാനl
ആന്ധ്ര പ്രദേശ് നിയമസഭ	ആന്ധ്ര പ്രദേശിലെ നിയമസഭാമണ്ഡലങ്ങളുടെ പട്ടിക	ഹൈദരാബാദ്
അരുണാചൽ പ്രദേശ് നിയമസഭ	അരുണാചൽ പ്രദേശിലെ നിയമസഭാ മണ്ഡലങ്ങളുടെ പട്ടിക	ഇറ്റാനഗർ
അസം നിയമസഭ	അസമിലെ നിയമസഭാമണ്ഡലങ്ങളുടെ പട്ടിക	ദിസ്‌പൂർ
ബിഹാർ നിയമസഭ	ബിഹാറിലെ നിയമസഭാമണ്ഡലങ്ങളുടെ പട്ടിക	പറ്റ്ന
ഛത്തിസ്ഗഡ് നിയമസഭ	ഛത്തിസ്ഗഡിലെ നിയമസഭാമണ്ഡലങ്ങളുടെ പട്ടിക	റായ്‌പൂർ
ഡൽഹി നിയമസഭ	ഡൽഹിയിലെ നിയമസഭാമണ്ഡലങ്ങളുടെ പട്ടിക	ഡൽഹി
ഗോവ നിയമസഭ	ഗോവയിലെ നിയമസഭാമണ്ഡലങ്ങളുടെ പട്ടിക	പനജി
ഗുജറാത്ത് നിയമസഭ	ഗുജറാത്തിലെ നിയമസഭാമണ്ഡലങ്ങളുടെ പട്ടിക	ഗാന്ധിനഗർ
ഹരിയാന നിയമസഭ	ഹരിയായനിലെ നിയമസഭാമണ്ഡലങ്ങളുടെ പട്ടിക	ചണ്ഡിഗഡ്
ഹിമാചൽ പ്രദേശ് നിയമസഭ	ഹിമാചൽ പ്രദേശിലെ നിയമസഭാമണ്ഡലങ്ങളുടെ പട്ടിക	ഷിംല
ജമ്മു ആൻഡ് കശ്മീർ നിയമസഭ	ജമ്മു ആൻഡ് കശ്മീരിലെ നിയമസഭാമണ്ഡലങ്ങളുടെ പട്ടിക	ശ്രീനഗർ
ഛാർഖണ്ഡ് നിയമസഭ	ഛാർഖണ്ഡിലെ നിയമസഭാമണ്ഡലങ്ങളുടെ പട്ടിക	റാ‌ഞ്ചി
കർണാടക നിയമസഭ	കർണാടകയിലെ നിയമസഭാമണ്ഡലങ്ങളുടെ പട്ടിക	ബെങ്കളുരു
കേരള നിയമസഭ	കേരളത്തിലെ നിയമസഭാമണ്ഡലങ്ങളുടെ പട്ടിക	തിരുവനന്തപുരം
മദ്ധ്യപ്രദേശ് നിയമസഭ	മദ്ധ്യപ്രദേശിലെ നിയമസഭാമണ്ഡലങ്ങളുടെ പട്ടിക	ഭോപാൽ
മഹാരാഷ്ട്ര നിയമസഭ	മഹാരാഷ്ട്രയിലെ നിയമസഭാമണ്ഡലങ്ങളുടെ പട്ടിക	മുംബൈ
മണിപ്പൂർ നിയമസഭ	മണിപ്പൂരിലെ നിയമസഭാമണ്ഡലങ്ങളുടെ പട്ടിക	ഇംഫാൽ
മേഘാലയ നിയമസഭ	മേഘാലയയിലെ നിയമസഭാമണ്ഡലങ്ങളുടെ പട്ടിക	ഷില്ലോങ്
മിസോറാം നിയമസഭ	മിസോറാമിലെ നിയമസഭാമണ്ഡലങ്ങളുടെ പട്ടിക	ഐ‌സ്‌വാൾ
നാഗാലാന്റ് നിയമസഭ	നാഗാലാന്റിലെ നിയമസഭാമണ്ഡലങ്ങളുടെ പട്ടിക	കോഹിമ
ഒഡിഷ നിയമസഭ	ഒഡിഷയിലെ നിയമസഭാമണ്ഡലങ്ങളുടെ പട്ടിക	ഭുവനേശ്വർ
പഞ്ചാബ് നിയമസഭ	പഞ്ചാബിലെ നിയമസഭാമണ്ഡലങ്ങളുടെ പട്ടിക	ചണ്ഡിഗഡ്
രാജസ്ഥാൻ നിയമസഭ	രാജസ്ഥാനിലെ നിയമസഭാമണ്ഡലങ്ങളുടെ പട്ടിക	ജയ്‌പൂർ
സിക്കിം നിയമസഭ	സിക്കിമിലെ നിയമസഭാമണ്ഡലങ്ങളുടെ പട്ടിക	ഗാങ്‌ടോക്ക്
തമിഴ്നാട് നിയമസഭ	തമിഴ്‌നാട്ടിലെ നിയമസഭാമണ്ഡലങ്ങളുടെ പട്ടിക	ചെന്നൈ
തെലങ്കാന നിയമസഭ	തെലങ്കാനയിലെ നിയമസഭാമണ്ഡലങ്ങളുടെ പട്ടിക	ഹൈദരാബാദ്
ത്രിപുര നിയമസഭ	ത്രിപുരയിലെ നിയമസഭാമണ്ഡലങ്ങളുടെ പട്ടിക	അഗർതല
ഉത്തരഘണ്ഡ് നിയമസഭ	ഉത്തരഘണ്ഡിലെ നിയമസഭാമണ്ഡലങ്ങളുടെ പട്ടിക	ഡെറാഡൂൺ
പശ്ചിമബംഗാൾ നിയമസഭ	പശ്ചിമബംഗാളിലെ നിയമസഭാമണ്ഡലങ്ങളുടെ പട്ടിക	കൊൽക്കത്ത

സംസ്ഥാനനിയമസഭകൾ (ഭരിക്കുന്ന കക്ഷി തിരിച്ച്)

*നീല: ഇന്ത്യാ സഖ്യം (I.N.D.I.A) *കാവി: ദേശീയ ജനാധിപത്യ സഖ്യം (NDA) *ചാരനിറം: മറ്റുള്ളവ

ഭരണ പക്ഷം		സംസ്ഥാനങ്ങൾ/കേന്ദ്ര പ്രദേശങ്ങൾ
എൻഡിഎ (16)
	Bharatiya Janata Party	10
	National People's Party	1
	All India N.R. Congress	1
	Mizo National Front	1 [1]
	Nationalist Democratic Progressive Party	1
	Shiv Sena	1
	Sikkim Krantikari Morcha	1
ഇന്ത്യ (11) [2]
	Indian National Congress	4
	Aam Aadmi Party	2
	കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്)	1
	All India Trinamool Congress	1
	ജനതാദൾ (യുണൈറ്റഡ്)	1
	Dravida Munnetra Kazhagam	1
	Jharkhand Mukti Morcha	1
മറ്റുള്ളവർ (3)
	Biju Janata Dal	1
	Bharat Rashtra Samithi	1
	YSR Congress Party	1

ഭാരതീയ ജനതാ പാർട്ടിയുടെ നേതൃത്വത്തിലുള്ള നാഷണൽ ഡെമോക്രാറ്റിക് അലയൻസ് ആണ് 16 നിയമസഭകളിൽ അധികാരത്തിലുള്ളത്; 11 നിയമസഭകളെ ഭരിക്കുന്ന ഇന്ത്യൻ നാഷണൽ ഡെവലപ്‌മെന്റൽ ഇൻക്ലൂസീവ് അലയൻസ് ; 3 നിയമസഭകൾ മറ്റ് പാർട്ടികൾ/സഖ്യങ്ങൾ ഭരിക്കുന്നു; കൂടാതെ 5 കേന്ദ്രഭരണ പ്രദേശങ്ങളിൽ നിയമസഭയില്ല. പുതുതായി രൂപീകരിച്ച കേന്ദ്രഭരണ പ്രദേശമായ ജമ്മു കശ്മീരിൽ സർക്കാർ രൂപീകരിക്കാൻ തിരഞ്ഞെടുപ്പ് നടന്നിട്ടില്ലാത്തതിനാൽ അവിടെ രാഷ്ട്രപതി ഭരണം ആണ് നിലവിൽ.