ကရင်နီအမျိုးသားကာကွယ်ရေးတပ်ဖွဲ့

ကရင်နီအမျိုးသားကာကွယ်ရေးတပ်ဖွဲ့ (အင်္ဂလိပ်: Karenni Nationalities Defence Force; အတိုကောက်: KNDF) သည် ၂၀၂၁ မြန်မာနိုင်ငံစစ်အာဏာသိမ်းခံရခြင်းကို တုံ့ပြန်သည့်အနေဖြင့် ဖွဲ့စည်းထားသော လက်နက်ကိုင်အဖွဲ့ဖြစ်သည်။ အဖွဲ့တွင် တရားဝင်ကြေညာထားသော PDF များပါရှိသည်။ KNDF တွင် အဓိကအဖွဲ့အစည်းဖြစ်သည့် ကရင်နီအမျိုးသားတိုးတက်ရေးပါတီ (KNPP) ကဲ့သို့သော အဖွဲ့အစည်းအချို့လည်း ပါဝင်သည်။ "ဒီမှာ EAOs တွေက အများသူငှာနဲ့ သဘောတူညီမှုရှိတယ်" ဟု KNDF မှ တာဝန်ရှိသူတစ်ဦးက မှတ်ချက်ပြုသည်။^[၈] ယခုအချိန်တွင် စစ်အစိုးရနှင့် KNDF အကြား တိုက်ပွဲအရှိန်ပြင်းလာနေ၍ တိုက်လေယာဉ်များနှင့် တင့်ကားများကို စစ်အစိုးရက အသုံးပြုလေ့ရှိသည်။^[၉]

ကရင်နီအမျိုးသားကာကွယ်ရေးတပ်ဖွဲ Karenni Nationalities Defence Force
ကရင်နီအမျိုးသားကာကွယ်ရေးတပ်ဖွဲ့၏ အလံတော်
ခေါင်းဆောင်များ	ခွန်ဘီထူး မာဝီ ခူရီးဒူ
တည်ထောင်ခြင်း	၃၁ မေ ၂၀၂၁ (၂၀၂၁-၀၅-၃၁)
စတင်လှုပ်ရှားခြင်း	၃၁ မေ ၂၀၂၁ (၂၀၂၁-၀၅-၃၁) – လက်ရှိ
နိုင်ငံ	မြန်မာနိုင်ငံ
လှုပ်ရှားနယ်မြေ	ကယားပြည်နယ်၊ ရှမ်းပြည်နယ်၊ ကရင်ပြည်နယ်
Ideology	ဖက်ဒရယ်ပြည်ထောင်စုစနစ်၊ ဒီမိုကရေစီစနစ်၊ လူနည်းစု အခွင့်အရေး
အရွယ်အစား	၇,၀၀၀+ [၁]
မဟာမိတ်	4K မဟာမိတ်တပ်ဖွဲ့[၂][၃] ကရင်အမျိုးသား လွတ်မြောက်ရေး တပ်မတော် ကရင်နီ တပ်မတော် ကရင်နီလူမျိုးပေါင်းစုံ ပြည်သူ့လွတ်မြောက်ရေးတပ်ဦး အခြားမဟာမိတ်များ အာရက္ခတပ်တော် ဗမာပြည်သူ့လွတ်မြောက်ရေးတပ်တော် ကရင်အမျိုးသားကာကွယ်ရေးအဖွဲ့ ကရင်နီပြည်သူ့ကာကွယ်ရေးတပ်ဖွဲ့ ဒေသခံ ပီဒီအက်ဖ်များ မြန်မာအမျိုးသား ဒီမိုကရက်တစ် မဟာမိတ်တပ်မတော် ပအိုဝ်းအမျိုးသားလွတ်မြောက်ရေးတပ်မတော်[၄] (2024-present) ပြည်သူ့ကာကွယ်ရေးတပ်မတော် ပြည်သူ့လွတ်မြောက်ရေးတပ်မတော် ရှမ်းပြည်တပ်မတော်-မြောက်ပိုင်း (၂၀၂၄-လက်ရှိ) တအာင်း အမျိုးသား လွတ်မြောက်ရေး တပ်မတော်
ပြိုင်ဘက်များ	ပြိုင်ဘက်များ  မြန်မာ (နိုင်ငံတော်စီမံအုပ်ချုပ်ရေးကောင်စီ) တပ်မတော်  တပ်မတော် (ကြည်း) အရှေ့ပိုင်းတိုင်းစစ်ဌာနချုပ် အမှတ်(၆၆)ခြေမြန်တပ်မဌာနချုပ် မြန်မာနိုင်ငံရဲတပ်ဖွဲ့ ပျူစောထီးပြည်သူ့စစ်အဖွဲ့ Non-state opponents: ပအိုဝ်းအမျိုးသားတပ်မတော်[၅]
စစ်ပွဲနှင့် တိုက်ပွဲများ	မြန်မာ့ပြည်တွင်းပဋိပက္ခများ ပြည်သူ့ခုခံတော်လှန်စစ် မိုဆို လူသတ်ပွဲ ၁၀၂၇ စစ်ဆင်ရေး[၆] ၁၁၀၇ စစ်ဆင်ရေး[၇] ၁၁၁၁ စစ်ဆင်ရေး

ရည်ရွယ်ချက်

အင်တာဗျူးတစ်ခုတွင် KNDF မှ ပြောရေးဆိုခွင့်ရှိသူတစ်ဦးက KNDF သည် ကယားပြည်နယ်ရှိ ကွဲကွာနေသော လူငယ်အင်အားစုအားလုံး၏ ပေါင်းစပ်မှုဖြစ်ကြောင်း ပြောကြားခဲ့သည်။ အရေးကြီးသော ပြဿနာမှာ စစ်ကောင်စီကို စည်းစနစ်တကျ အကွဲကွဲအပြားပြားဖြင့် တိုက်ခိုက်မည်ဆိုပါက ၎င်းတို့၏ အောင်ပွဲ အခွင့်အလမ်းမှာ အနည်းငယ်မျှသာ ဖြစ်သည်။ KNDF သည် စစ်ကောင်စီကို တွန်းလှန်ရန် အဖွဲ့တဖွဲ့အဖြစ် ဖွဲ့စည်းထားသည်။ ၎င်းတို့တွင် လက်နက်ခဲယမ်းမီးကျောက် ပြတ်လပ်မှုမှာ အဓိကပြဿနာဖြစ်ကြောင်း ၎င်းက ပြောခဲ့သည်။^[၈]

ရည်မှန်းချက်

KNDF ၏ ရည်မှန်းချက်မှာ စစ်အာဏာရှင်ကို ဖြုတ်ချရန်ဖြစ်၍ အခြားသော လက်နက်ကိုင်အဖွဲ့များနှင့် အတူတူပင် ဖြစ်သည်။ ကရင်နီပြည်နယ် အတွင်းရှိ ပြည်သူများ၏ စည်းလုံးညီညွတ်မှု ရှိစေရန်၊ ပူးပေါင်း ဆောင်ရွက်ရန်နှင့် ကရင်နီအမျိုးသားတိုးတက်ရေးပါတီ (KNPP) ၏ ရပ်တည်ချက်ကို အထူးဂရုပြု ဆောင်ရွက်ရန်လည်း ဖြစ်သည်။^[၈]

ကာကွယ်ရေးမူဝါဒ

KNDF သည် NUG နှင့် CRPH တို့၏ ကာကွယ်ရေးမူဝါဒကို လိုက်နာကြောင်း KNDF ၏ ပြောရေးဆိုခွင့်ရှိသူထံမှ သိရသည်။

NUG ကာကွယ်ရေး ဝန်ကြီးဌာနသည် ကာကွယ်ရေး လုပ်ငန်းကို ဒီမိုကရေစီနည်းကျ ထိန်းချုပ်ပြီး ဖက်ဒရယ်စနစ် အရ လည်ပတ်နိုင်စေရေး ရည်မှန်းချက်ဖြင့် ကာကွယ်ရေး မူဝါဒ (၇)ချက်ကို ထုတ်ပြန်ခဲ့သည်။^[၁၀]

မူဝါဒတွင် ခေါင်းဆောင်မှု၊ ကာကွယ်ရေးမူဝါဒရေးဆွဲမှုနှင့် အကောင်အထည်ဖော်မှု၊ စစ်ဘက်ကဏ္ဍတွင် ဥပဒေပြုရေးနှင့် တရားစီရင်ရေးဆိုင်ရာ အပြန်အလှန်ထိန်းကျောင်းမှု၊ ကာကွယ်ရေးစီမံခန့်ခွဲမှု၊ နိုင်ငံတကာအသိအမှတ်ပြု ဥပဒေများနှင့် ကျင့်ဝတ်များ လိုက်နာမှု၊ ခေါင်းစဉ်နှင့် တာဝန်သတ်မှတ်မှု၊ ဘဏ္ဍာရေးစီမံခန့်ခွဲမှုနှင့် အရင်းအမြစ်ခွဲဝေမှုတို့ ပါဝင်သည်။

KNDF ၏ ပြောရေးဆိုခွင့်ရှိသူ၏ ပြောကြားချက်အရ NUG ၏ ကာကွယ်ရေး အစီအစဉ်များနှင့်အညီ တည်ထောင်ခဲ့သည့် KNDF တွင် ကရင်နီပြည်နယ် အခြေစိုက် PDF သုံးခု၊ ရှမ်းပြည်အခြေစိုက် PDF နှစ်ခုနှင့် EAO အများအပြား ရှိသည်။^[၁၁]

အခြားကြည့်ရန်

• ပြည်သူ့ခုခံတော်လှန်စစ်
• ပြည်သူ့ကာကွယ်ရေးတပ်မတော်
• ကရင်နီအမျိုးသားတိုးတက်ရေးပါတီ