Papa Hilarius

Papa Hilarius alikuwa Papa kuanzia tarehe 19 Novemba 461 hadi kifo chake tarehe 29 Februari 468^[1]. Alitokea Sardinia, Italia^[2].

Papa Hilarius.

Alimfuata Papa Leo I akafuatwa na Papa Simplicio.

Chini ya Papa Leo I alikuwa shemasi mkuu na alipigania haki za Kanisa. Pia alitumwa naye kama balozi kwenye Mtaguso wa pili wa Efeso (449) alipopata matatizo makubwa ^[3] kwa kumtetea Flaviano wa Kostantinopoli^[4].

Baada ya kuchaguliwa aliendeleza sera za Papa Leo I kuhusu mamlaka ya Kanisa la Roma ^[5] na alipambana na makundi yaliyofarakana naye^[3].

Aliandika barua muhimu kuhusu imani Katoliki ili kuthibitisha mitaguso mikuu ya Nisea, Efeso na Kalsedonia akiimarisha pia mamlaka ya Papa wa Roma kwa kuonyesha nafasi yake ya kwanza katika Kanisa lote ^[6].

Hatimaye anasifiwa kwa ujenzi wa makanisa mbalimbali mjini Roma.

Tangu kale anaheshimiwa kama mtakatifu.

Sikukuu yake inaadhimishwa tarehe 29 Februari (28 Februari katika miaka mifupi)^[7], lakini pia 17 Novemba.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa
• Mababu wa Kanisa

Maandishi yake

• Opera Omnia katika Patrologia Latina iliyotolewa na Migne.