Papa Sergio I

Papa Sergio I alikuwa Papa kuanzia tarehe 15 Desemba 687 hadi kifo chake tarehe 7 Septemba 701^[1]. Alitokea Syria^[2] au alizaliwa Palermo (Italia) katika familia kutoka Syria^[3].

Mt. Sergio I.

Alimfuata Papa Konon^{[4][5][5][6][7]} akafuatwa na Papa Yohane VI.

Alipigania kwa nguvu zote uinjilishaji wa Wasaksoni na Wafrisia akamfanya mmisionari Wilibrodi kuwa askofu wao.

Pia alimaliza farakano la Akwileia (698)^[5] na migogoro mingine, lakini alikuwa tayari kuuawa kuliko kukubali uzushi^[8].

Hivyo alikataa kabisa^[9][10] kuthibitisha kanuni zilizotungwa na maaskofu wa Mashariki^[11] katika Mtaguso wa tano-sita zikilenga kufanya desturi za Konstantinopoli zifuatwe na Wakatoliki wote^[12][13]. Kwa sababu hiyo kaisari Justiniani II aliagiza akamatwe na kuletwa Konstantinopoli, lakini watu walizuia utekelezaji wa amri hiyo^[5][14].

Tangu kale anaheshimiwa na Wakatoliki na Waorthodoksi kama mtakatifu, hasa tarehe 8 Septemba ^[15].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa